/ EU-Kommissioun recommandéiert Bäitrëttsverhandlunge mat Bosnien-Herzegowina
D‘EU-Kommissioun recommandéiert Bäitrëttsverhandlunge mat Bosnien-Herzegowina opzehuelen. Dat huet d‘Kommissiounspresidentin matgedeelt. Et wieren zwar nach Fortschrëtter néideg, fir an d‘EU opgeholl ze ginn, awer d‘Balkanland wier um gudde Wee, sou d‘Ursula vun der Leyen an enger Ried am EU-Parlament zu Stroossbuerg.
1 min
Bosnien-Herzegowina hätt zum Beispill grouss Fortschrëtter gemaach bei der Bekämpfung vu Geldwäsch an Terrorismusfinanzéierung, awer och bei der Steierung vun der Migratioun an d‘Land hätt sech komplett un d‘Aussen- a Sécherheetspolitik vun der EU ugeglach.
Bosnien-Herzegowina ass zanter 2022 offiziell Bäitrëttskandidat.