Dës Zuelen huet de Buergermeeschter vu Kiew Vitali Klitschko annoncéiert. Insgesamt géingen et op d'mannst 20 Doudeger an 30 Blesséierter ginn, esou den Inneministère.
Et wiere Stécker vun de Rakéiten, déi ofgewiert gi sinn, erofgefall. Et wieren Haiser getraff ginn, Infrastrukturen an och eng Kannerklinik. Iwwer Kiew ass schwaarzen Damp ze gesinn.
Déi lescht massiv Attack op Kiew war den 12. Juni.
An der Regioun Charkiw wieren och 5 Zivilisten ëm d‘Liewe komm, wéi si mat hirem Auto op eng russesch Minn gefuer sinn. Dat mellt déi ukrainesch Arméi. D‘Minn wier op engem Feldwee placéiert gewiescht, dee bei e Kierfecht féiert. Ënnert den Affer wier e klenge Jong vu 5 Joer an ee Puppelche vun 3 Méint.