Dat wier dat mannst, wat de Premier Luc Frieden vu sengem Minister misst verlaangen, sou Déi Lénk. Och wann de Claude Meisch déi Fra net geschloen hätt, huet hie jo awer an der Press zouginn, datt et e Sträit gouf an datt Emotiounen héichgekacht sinn an eng Taass gebrach ass.
Fir Déi Lénk ass dat ganz problematesch, wann e Minister sou eng emotionell Verbindung mat enger héijer Fonctionnairin huet, där hire Superieur hierarchique hien ass. Dat wier en Abus de pouvoir, sou Déi Lénk, an a sou enger Affaire, dat hätte feministesch Beweegungen a MeToo gewisen, géif ëmmer d‘Fra de Kierzeren zéien.
