Den NATO-Generalsektär Jens Stoltenberg huet d‘Annonce vun den USA begréisst. D‘Ukrain hätt e Recht sech selwer ze verdeedegen, dozou géif och d‘Recht gehéieren, militäresch Ziler a Russland unzegräifen, esou de NATO-Chef bei engem informellen Treffe vun den NATO-Ausseministeren zu Prag.
Och aner Regierungscheffen hu rezent Restriktioune fir d'Ukrain opgehuewen
Den tschecheschen Ausseminister sot hie géif der Ukrain erlaben, westlech Waffe fir Attacken op russeschem Gebitt ze notzen. Ugangs der Woch hat och de franséische President Emmanuel Macron sech dofir ausgeschwat.
De russesche President Wladimir Putin huet mat Konsequenze gedreet fir de Fall d‘Ukrain d‘Waffe vun hiren Alliéierte fir Attacken op russeschem Gebitt géif notzen.
Däitschland hëlleft mat 500 Milliounen Euro
Däitschland stellt der Ukrain iwwerdeems zousätzlech Waffen an Héicht vun enger hallwer Milliard Euro zur Verfügung. Dat huet den däitsche Verteidegungsminister Boris Pistorius gëschter Owend bei enger Visitt an de ukrainescher Stad Odessa annoncéiert.
