Et wier kee Reakter wéinst der Hëtzt vum Netz geholl ginn, allerdéngs wieren der wéinst Maintenanceaarbechten och just zwee operationell gewiescht, esou nach de Minister.
D‘Musel hätt Ufank Juli ee Peak vun 28 Grad erreecht. Méi waarm dierft d‘Waasser net ginn, fir datt et ka genotzt gi fir d‘Atomreakter ofzekillen. Dat géif an de Konditioune fir d‘Atomzentral ze bedreiwe stoen.
Wéinst dem Klimawandel wier eng Hausse vun der Temperatur vun der Musel – och iwwer 28 Grad eraus - zwar net auszeschléissen, mee méi héich Temperature wiere fir eng limitéiert Zäit bei der Planung vun der Atomzentral mat agerechent ginn, esou nach de Serge Wilmes.
