An och dee ville Reen an de leschte Wochen hätt der Ausstellung net geschuet, seet d’Ann Muller. Am Contraire souguer:
"De Reen huet gemaach, dass d'Gäert am Moment extreem schéin, immens üppeg sinn, sech gutt entwéckelt hunn. Mir brauche manner Netzen. Dat kënnt eis ganz entgéint."
Fir den Ament wier een souwuel mat der Staat Lëtzebuerg wéi och mam zoustännege Ministère a Gespréicher fir festzeleeë wéi eng Gäert kënne behale ginn.
Eng Prognos kéint d’Ann Muller elo nach net ginn, awer d’Politik wier intresséiert verschidde Projeten ze erhalen. Ob et an den nächste Joren nach eng Kéier eng zweet Luga Gaardenausstellung wäert ginn ass elo nach net gewosst.
D’Ausstellung kann een nach bis Mëtt Oktober an der Stad an zu Ettelbréck kucke goen.
