D'Konsequenze vun enger Disziplinarprozedur kënne vun enger mëndlecher Verwarnung bis hin zum Ausschloss aus der Partei goen, huet d'Alexandra Schoos an hirer schrëftlecher Stellungnam erkläert.
De Facebook-Post, an deem zur "Vernichtung vun LGBTQIA+" opgeruff gi war, an de "Like" vum Tom Weidig dozou wieren inakzeptabel, esou d'Parteipresidentin. D'Alexandra Schoos an den ADR-Generalsekretär entschëllege sech am Numm vun hirer Partei bei alle Leit, déi sech duerch dës "Aktioun op de sozialen Netzwierker" ugegraff, verletzt an diskriminéiert gefillt hunn.
