Un der Spëtzt vun der Finanzkommissioun vun der Assemblée nationale steet mam erëmgewielten Eric Coquerel e Vertrieder vun der France Insoumis. D’Presidence vun dëser Kommissioun ass traditionell fir en Oppositiounsdeputéierten. D’Droite wollt déi onbedéngt hunn, ass awer gescheitert.
Och wann d'Spëtzeposten an der franséischer Assemblée nationale verdeelt sinn, ginn d’Diskussiounen ëm dës Verdeelung weider. Gëschter Owend huet sech déi al an néi Presidentin vun der Nationalversammlung, d’Yaël-Braun Pivet, zu Wuert gemellt an hir Victoire verdeedegt. Bei der Lénksallianz Nouveau Front Populaire wëll een de Walausgang net akzeptéieren, wärend d’Sich no engem gemeinsame Kandidat fir de Premierposte weidergeet.