Mat “Walk on the Wild Side” oder “Perfect Day” sinn dem amerikanesche Sänger a Gittarist Lou Reed Weltsuccèse gelongen. Doriwwer eraus war hien och de Grënner vun der Avantgarde Punkformatioun “THE VELVET UNDERGROUND”. De Lou Reed gehéiert an d’Kategorie vun deene Kënschtler déi Museksgeschicht geschriwwen hunn.
De Lou Reed hat e staarken Ego an et huet een hie meeschtens a schwaarzem Gezei gesinn, dat besonnesch well et soll e Protest géint dee faarwegen HippeiMouvement un den 1960-70er Jore sinn.
Dem Lou Reed seng Texter hunn ëmmer ganz vill Pessimismus erëmgespigelt, dat ganzt mat Sarkasmus an Zynismus ëmwéckelt, a genee dat huet dem Lou Reed seng Konscht ausgemaach. De Lou Reed ass kengem Sträit aus dem Wee gaangen, et war kee ganz kamouden Kärel a besonnesch mat Journaliste konnt en net.
Trauer war am Oktober 2013 grouss wou de Lou Reed gestuerwen ass a op soziale Medie konnt een ënnert anerem eng Notiz vum den indesch-britteschen Auteur Salman Rushdie liesen dee geschriwwen huet: “Lou, you will always take a walk on the wild side”
