Wann ee vu legendären Autoen schwätzt, déi all e gewëssene Kultstatus kruten, da kommen eng Gefierer an de Kapp wéi eng R4, eng Citroën DS, de Fiat Cinquecento, de Mini, e Bulli an natierlech de VW Käfer. Et ass richteg wann der iech elo sot: “Ma do feelt dach e ganz populären Auto. “ Dann hutt der Recht, nämlech “2 Chevaux” vu Citroën. Virun 75 Joer gouf um Paräisser Autosalon déi éischt “Döschwo” presentéiert, an d’Joer drop ass Produktioun définitiv lancéiert ginn.
An dee charmanten Auto ass bis haut bei Grouss a Kleng, Jonk an Al beléift, an et gi schonn zimlech zolitte Präisser fir eng restauréiert “2 CV” op den Dësch geluecht.
D’2 CV spigelt am Ausland eng Grëtz d’Bild vun der France classique erëm, grad ewéi d’Baguette oder den Äiffeltuerm. D’2 CV steet fir Fräiheet, franséische Cahrme, Nonkonformismus an Aventure.
