The Buttshakers, eng Band vu Lyon, wou d’Soul, de Blues, Léift an Hoffnung d’Häerz vun hirer Musek ausmaachen. “Lessons In Love” ass deen drëtte Studioalbum vum franséische Soul-Sextett ronderëm déi charismatesch Sängerin Ciara Thompson.
Déi irresistibel Soul vun de Monophonics & Kelly Finnigan, eng Musek mat Accente vum psychedelesche Rock an der Motown, déi erzielt iwwer e Motel zu San Francisco, wou Globetrotter, Kënschtler ënner Daach koumen a wou d’Maueren iwwer d’Héichten an d'Déifte vun dëse Mënschen hirer Existenz erzielen.
Decouverte dës Woch ass de Kollektiv Mourning [A] BLKstar, eng 7-käppeg Band vu Cleveland, Ohio, déi de Gospel mat Blues, Jazz, Hiphop, Funk an der Elektro verbënnt. Hir Musek schaaft Klangfrequenzen, déi déi afrikanesch Diaspora beliichten.
Aner Decouverte ass den interessante Projet vu Jaguare Affair. Hei begéine mir den Edouard Choupay, Sänger a Songwriter, den Jordan Gury (Komponist) an de Charles Pierre (och Komponist). Mir héieren eng Popmusek mat Soul-Aflëss, eng decaléiert Eleganz …
E Retour an d’Joer 1971 bei den Album “Ram” vum Paul a Linda McCartney. Et ass deen zweeten Album, nodeems de McCartney d’Beatles verlooss hat. “Ram” gouf vu ville Kritiker hefteg ënner Beschoss geholl, obwuel e sech souwuel an England wéi an Amerika an den Charts gutt placéiert hat. D’Musek ass awer total éierlech, si ass de Reflet vun der Koppel hirem Liewen an där Zäit, ufanks de 70er, wou se sech op hir Famill konzentréiert hunn an hir Farm a Schottland ...
Playlist:
01. The Buttshakers - Good Intentions - Lessons In Love
02. The Buttshakers - Troubled Waters - Lessons In Love
03. Brooke Combe - Dancing At The Edge Of The World - Dancing At The Edge Of The World
04. Tindersticks - New World - Soft Tissue
05. Blue Material - NWO -Reasonings
06. Monophonics & Kelly Finnigan - Sage Motel - Sage Motel
07. Mourning [A] BLKstar - Can We? - Flowers For The Living
08. Durand Jones & The Indications & Aaron Frazer - Been So Long - Flowers
09. Watchoutforthegiants - Taking Back Time - Single
10. Jaguare Affair - Comment lui dire - Single
11. Liesa Van der Aa - Paroles paroles (feat. Johan Leysen) - Where What's Happening - EP
12. Paul & Linda McCartney - Ram On - Ram (Archive Collection) [2012 Remaster]
13. Michelle David & the Gospel Sessions - Where I'm Going - The Gospel Sessions, Vol. 1
14. Zé Ibarra - Da Menor Importância - AFIM
15. The Sorcerers - The Warrior Code - I Too Am a Stranger
16. Black Flower - Early Days of Space Travel, Pt. 2 - Future Flora