Deen englesche Singer-Songwriter Elvis Costello ass zesumme mat den amerikaneschen Hiphopper vu The Roots fir de gemeinsamen Album “Wise Up Ghost (And Other Songs)”, deen 2013 via Blue Note Records erauskoum, eng kleng Pärel, déi d’Talent béidersäits ënnersträicht an och dee vu Blue Note, e Label, dee fir Qualitéit an Authentizitéit steet.
Den Omara Moctar, kuerz Bombino, ass en Touareg Singer-Songwriter a Gittarist aus dem Niger. Hie sengt op Tamasheq a schwätzt a senger Musek ëmmer erëm och déi geopolitesch Uleiesse vu sengem Vollek un.
Sages comme des sauvages ass e Grupp, deen zu Bréissel gegrënnt gouf, an dee méi Influenze matenee vermëscht. Dat hänkt mat den Originne vu sengen zwee Grënnermemberen zesummen, d’Ava Carrere huet franséisch-amerikanesch Originnen, gouf tëschent Frankräich a Griichenland grouss, an den Ismaël Colombani huet korsesch a belsch Wuerzelen.
Mir lauschteren an dee schéinen Album “Love” era vu Get Well Soon, däitsch Formatioun, déi vum Konstantin Gropper geleet gëtt mat de backing Vocals vu senger Schwëster Verena.
D’Celia Wa ass zu Paräis gebuer mat Originnen an der Guadeloupe. D’Multiinstrumentalistin a Sängerin gouf vu jonkem un an déi traditionell Museken initiéiert. Mir entdecken hiren neien Album Fasadé.
Déi nigresch Legend Tony Allen réit de Mënschen of iwwer d’Mier ze flüchten, “Boatpeople” ass ze fannen um Album “Film Of Life”.
Zu Rio gebuer an LA zu senger Walheemecht gemaach, de Rogê ass ee vun de spannenden zäitgenëssesche brasilianeschen Artisten. Musikalesch erfrëschend an inhaltlech setzt de Rogê sech mat der komplexer Geschicht vu sengem Land ausenaner.
Playlist:
1. Elvis Costello & The Roots - Wake Me Up - Wise Up Ghost (And Other Songs) [Bonus Tracks]
2. Bombino - Ayes Sachen - Sahel
3. The Good Ones - Where Did You Go Wrong, My Love (feat. Nels Cline) - Rwanda, You Should Be Loved
4. Sages comme des sauvages - Lailakomo - Francofans collection (La compilation de la scène indé francophone)
5. Get Well Soon - It’s Love - Love
6. Miles Kane - Loaded - Coup De Grace
7. Brian Reitzell - I Put a Spell on You (feat. Mark Lanegan) [From "American Gods" Soundtrack]
8. Laurent Bardainne & Tigre d'Eau Douce - Combly Family - Hymne au soleil
9. Tony Allen - Boat Journey - Film of Life (Deluxe Edition)
10. Celia Wa - Démounaj - Fasadé
11. Rogê - Vida Voa - Curyman II
12. Teófilo Chantre - Bô Viajá - The Lusafrica Series: Rodatempo / Viajá