One World
Los Angeles Rising
56 min
Eng 15 Gruppen hu Lidder zum Benefit-Album “Los Angeles Rising” bäigesteiert. De Benefice vun der Vente vum Disk geet un Artiste souwéi Professioneller aus der Museksindustrie, déi vun de Bränn zu LA betraff sinn.
Mir héieren dee brittesche Museker David J mat der original Kassetten-Demo vu Love and Rockets hirem Hit “No New Tale To Tell”, d’Yeah Yeah Yeahs sinn derbäi, de fréiere Pulp Member Jarvis Cocker, PJ Harvey, Nick Cave, Natacha Atlas an nach vill aner Artisten. Alleguer sange si fir Los Angeles, déi Stad, déi bal e Mount laang a Flame stoung.
Den Album ass just op Bandcamp ze fannen, et kann een dee Betrag bezuelen, deen ee wëllt oder kann.
Detroit: d’Stad huet Geschicht geschriwwen an ass och den Numm vum franséischen Duo, deen aus dem Bertrand Cantat, fréiere Sänger vu Noir Désir, an dem Bassist Pascal Humbert, besteet. Haut (15.2.) verëffentleche si hiren neien an intensiven Album “L’Angle”. Intensiv an och beréierend mat allerdéngs dem Hannergeschmaach vum Cantat senger Vergaangenheet. Dovunner ofgesinn a reng ënner dem artisteschen Aspekt ass “L’Angle” e wierklech schéinen Album! Voller Poesie, de Bertrand Cantat ass e Meeschter vum Wuert a weess säi Propos auszedrécken a mat Metafferen ze jongléiere grad wéi mat senger Stëmm. Détroit ass haut en Trio, derbäikoum de Jérémie Garat um Cello an der Gittar. Musikalesch si mir net wäit ewech vun den Atmosphäre vun Noir Désir.
De jonke Breton Elliott Armen, iwwregens de Fils vum Yann Tiersen, lauschtere mir vun der neier EP “Disturbance”, op där mir eng live-Interpretatioun vu vereenzelten Titele vu sengem 2 Album “Turbulence” héieren, souwéi och Inediten. Poetesch a mat enger schéiner Sensibilitéit interpretéiert.
Playlist:
1. David J - No New Tale To Tell - Los Angeles Rising
2. d’Yeah Yeah Yeahs - Turn Into (redux) - Los Angeles Rising
3. Jarvis Cocker with backing vocals by KIM SION - California Dreamin’- Los Angeles Rising
4. CRX - Blip On The Radar - Los Angeles Rising
5. PJ Harvey with Danni Bensi and Saunder Jurrains - The Red River - Los Angeles Rising
6. Nick Cave and the Bad Seeds - Los Angeles Rising - Michelangelo
7. Natacha Atlas and Samy Bishai - Shadow Fandance - Los Angeles Rising
8. Sylvie Kreusch - Home - Comic Trip
9. Tank and the Bangas - They Don’t See/Whole Foods (feat. aja monet) - The Heart, The Mind, The Soul
10. Détroit - Les âmes sauvages- L’Angle
11. Détroit - L’angle - L’Angle
12. Détroit - L’hallali - L’Angle
13. Elliott Armen - What Does It Say? - Disturbance
14. Joel Sarakula - Back For Your Love - Soft Focus
15. Ginger Bamboo - Stinlo - Elsewhere CC