Tank and the Bangas ass e Grupp vun New Orleans, deen eng Kollektioun Spoken Word an 3 Deeler viru Kuerzem verëffentlecht huet: “The Heart, The Mind, The Soul” iwwerschriwwen. Mir entdecken e richteg coole Spoken Word!
Gläich e puer nei Nimm aus Brasilien hei bei One World, dorënner deen neien Album “Curryman II” vum Rogê. Hei komme bekannte Museker zesummen an enger Produktioun, déi d’Wuerzele vun der brasilianescher Musek an Éieren hält.
Aner spannend Zäitgenosse vun der brasilianescher Musek sinn de Zé Nigro, deen iwwer 30 Joer als Produzent a Multiinstrumentalist fir aner Artisten täteg war, an deen aktuell säi Solo-Projet “Silêncio” verëffentlecht.
Dann och ze verhalen dee schéinen Debut-Album “Flower of the Soul” vun der Liana Flores: Eng an 11 Titele gepackte Meditatioun iwwer d’Vergänglechkeet vun allem …
Den Amadou Traoré, besser bekannt als Amadou Balaké, war e populäre Sänger aus Burkina Faso, deen an enger Zäitspan vun iwwer 50 Joer Disken opgeholl huet. Den Amadou Balake war iwwregens och e Member vun der senegaleesescher Salsa Band Africando.
Decouverte déi Kéier och déi éischt Single vum schweedeschen Artist Art Longo aka Gustav Jennefors.”Echowah Island”: säin Debut-Album wäert deemnächst erauskommen. Hei en éischte Virgeschmaach vun dëser faarweräicher tropescher Spych-Pop, déi mat Dub a Ska ugeräichert ass.
De britteschen Jazz-Quintett Ezra Collective mat hirem Album “Dance, No One's Watching” ass entstane wärend der Band hirer Welttournée 2023. Et ass hir Dokumentatioun souzesoen vun de verschiddenen Dance-Floors, deene si begéint sinn, vu London bis Chicago, vu Lagos bis Sydney.
Deen neien Album “Karaoke Moon” vu Warhaus, bei deem déi schéi Stëmm vum Maarten Devoldere am Virdergrond steet, awer net nëmmen … loosst Iech iwwerraschen.
Playlist:
1. Tank and the Bangas - They Don’t See/Whole Foods (feat. aja monet) - The Heart, The Mind, The Soul (Deluxe)
2. Rogê - Vida Voa - Curyman II
3. Liana Flores - Halfway heart - Flower of the soul
4. Zé Nigro - Gorjeios (feat. Arthur Verocai) - Silêncio
5. Amadou Balake - Migoussia - Taximen
6. Alostmen - Kologo (feat. Wanlov the Kubolor) - Teach Me
7. Art Longo - Quantum Ceviche - Quantum Ceviche - Single
8. Olivia Dean & Ezra Collective - No One's Watching Me (feat. Olivia Dean) - Dance, No One's Watching
9. Gorillaz - Désolé (feat. Fatoumata Diawara) - Song Machine, Season One: Strange Timez
10. Warhaus - No Surprise - Karaoke Moon
11. Warhaus - Jacky NA - Karaoke Moon
12. Norma Winstone & Kit Downes - Rowing Home
13. Sylvie Kreusch - Home - Comic Trip