Den Tiago Caetano ass als Kand opgewuess mat de grousse brasilianeschen Artisten. Zu dësen Influenze kommen haut a senger Musek aner Referenzen derbäi wéi zum Beispill d’Indie-Pop vun de Beach Fossils. Den Tiago léist en agreabele Melange erkléngen, mir entdecke säin neien Album ‘Constelação’.
D’Claude Fontaine ass eng amerikanesch Singer-Songwriterin mat engem franséischen Numm. Hiren neien Album dréit och eng franséisch Iwwerschrëft: ’La Mer’ eng douce Fusioun vu 60ies Ye Ye-Pop, engem Touch Reggae a brasilianeschem Tropicalismo.
Eng Soul-räich Pop mat Influenzen aus de 70er, Soft-Rock, Funk an och Disco Elementer héiere mer vum Australier Joel Sarakula. Haut bei One World en éischte Virgeschmaach op seng Aktualitéit ‘Soft Focus’
Den Teófilo Chantre huet eng Stëmm an en Ausdrock dee beréiert, an och net vun ongeféier un di grouss Cesaria Evora erënnert. Joerzéngten huet hie mat der Diva collaboréiert a verëffentlecht zënter 1993 Disken ënner sengem eegenen Numm.
Am September 2024 ass de neien a 14ten Studio-Album ‘Soft Tissue’ vun den engleschen Tindersticks erauskomm. Hir Capacitéit atmosphäresch Klanglandschaften ze schafen di voller Emotioun a munchmol oppen melodramatesch sinn eegnen sech gutt fir de Film. D’Tindersticks hunn 7 B.O’en fir di franséisch Regisseurin Claire Denis geschriwwen…
De Sänger a Saxophonist Michael Stephenson an de Bassist Alexander Claffy si laangzäit Frënn déi op hiren Instrumenter matenee kommunizéieren.
D’ Danielle Ponder ass eng amerikanesch Musekerin a studéiert Affekotin déi sech aktiv asëtzt fir d’Black Lives Matter Beweegung, engagéiert an talentéiert!
En Artist deen hien e Medezin-Studium hannert sech huet awer decidéiert huet Musek ze maachen ass de SunSay aus der Ukrain. Hie lieft grad wéi säi Land eng immens schwiereg Zäit. 2022 wor hien eng vun den Decouvertë vun den Transmusicales vu Rennes. En interessanten Interview ass ze fannen um Site vum Festival. Hei ënnersträicht den Artist d’Wichtegkeet weider un d’Mënschlechkeet ze gleewen!
Playlist:
1. Tiago Caetano - Só Quero Viver - Constelação - Single
2. Claude Fontaine - Relíquia - La Mer
3. Teófilo Chantre - Bô Viajá - The Lusafrica Series: Rodatempo / Viajá
4. The Reed Conservation Society - Gold, Gun & God - Ep N°3
5. Joel Sarakula - Back For Your Love - Soft Focus
6. Warhaus - No Surprise - Karaoke Moon
7. Tindersticks - Don’t Walk, Run - Soft Tissue
8. Michael Stephenson & Alexander Claffy - Outskirts of Town - Outskirts of Town Vocal Jazz 0
9. Muriel Grossmann - Essence - Universal Code
10. Danielle Ponder - Some Of Us Are Brave - Some of Us Are Brave
11. Sunsay - Excatly U
12. Chinese Man - Scatter (There They Go) [feat. Ex-I] - The Groove Sessions, Vol. 3
13. Basement Jaxx featuring Lisa Kekaula - Good Luck (Featuring Lisa Kekaula) - The Singles
14. Magnus - Catlike - Where Neon Goes To Die