De Kelly Finnigan, Leader vun de Monophonics, ass staark am Soul verwuerzelt a schaaft gläichzäiteg eppes Neies, sécherlech och andeems hie sech opmécht fir Kollaboratiounen. Mir entdecke säin neie Solo-Album “A Lover Was Born”.
Mir entdecken dës Kéier och nach aner schéi Soulstëmme vun e puer onëmgänglechen Zäitgenossen: Iwwerraschung …!
De jamaikanesche Gittarist a Komponist Ernest Ranglin huet laang Zäit als Session-Museker fir verschidde jamaikanesch Labele geschafft. Den Album “Below The Bassline” gëllt als en Jazz-Reggae Meeschterwierk.
Als verdreemt a poetesch kann een dem Jazz Trompettist Erik Truffaz säin Album “Lune Rouge” bezeechnen, en Artist, deen ëmmer erëm Neiland betrëtt a gäre mat aneren Artisten zesummeschafft a genee dëst beräichert säi Spill.
Als Acid-Jazz gouf an den 1980er ufanks 90er Joren de Mix aus Funk, Soul, Jazz an Hip-hop bezeechent, e Genre, deen an de Clubbe vu London entstanen ass. Galliano zielen nieft US3 an de Brand New Heavies zu de bekannte Vertrieder.
Playlist:
1. Kelly Finnigan - Let Me Count the Reasons - A Lover Was Born
2. Kelly Finnigan - Just One Kiss - A Joyful Sound
3. The Harlem Gospel Travelers - Get Involved - Rhapsody
4. Gabriels - Stranger - Bloodline/ EP
5. Tindersticks - Feel The Sun - The Hungry Saw
6. Benjamin Clementine - Condolence - Glorious You/EP
7. Ernest Ranglin - King Tubby Meets the Rockers - Below the Bassline
8. Roy Ayers, Ali Shaheed Muhammad & Adrian Younge - Hey Lover - Jazz Is Dead 002
9. Oan Kim - Agony - Oan Kim & the Dirty Jazz
10. Etienne de la Sayette & Renegades of Jazz - Jajinmori Renegades of Jazz Remix
11. Erik Truffaz - Reflections (feat. José James) - Lune rouge
12. Galliano - Prince Of Peace - A Joyful Noise Unto The Creator
13. Martin Roth - An Analog Guy in a Digital World - Le café abstrait by Raphaël Marionneau, Vol. 12
14. The Herbaliser - Stranded On Earth (Featuring Jessica Darling) - Same As It Never Was