Hanner dem Projet Verde Prato begéine mir d’Ana Arsuaga, Interpretin a Komponistin aus dem Baskeland. Zanter 2021 verëffentlecht si all Joer en Disk, ëmmer an hirer Sprooch gesongen, mee developpéiert all Kéier eng aner Approche.
Eng aner Decouverte vun den Trans dëst Joer si Baba Ali. Hei héiere mir vereent de kraaftvolle New-Yorker Sänger Baba Doherty zesumme mam englesche Gittarist Nik Balchin. Elektro-Punk-Disco flitt eis ronderëm d’Oueren, Brut awer mat Soul!
Coup de coeur dëst Joer op den Trans ass Yannis & The Yaw. Dëst ass en eenzegaartege Projet, nodeems de griichesche Sänger Yannis Philippakis, Leader vum englesche Grupp Foals, d’Méiglechkeet kritt hat eng Studio Session ze organiséiere mam mytheschen nigerianesche Batteur Tony Allen.
Nei erauskoum den Album "Above The Laws” vun der Ludivine Issambourg. Si ass eng geschate Flüttistin a Komponistin, déi ë. a. mat Chassol, Wax Taylor an Angélique Kidjo ënner villen anere schafft. Op hirem neien Album "Above The Laws” ëmgëtt si sech mat engem 5-Stäre-Casting vu Realisateuren, Museker a Gaaschtinvitéen …
E Retour an d’70er mam amerikanesche Multiinstrumentalist Yusef Lateef um Album “The Gentle Giant”. Hien huet zu där Zäit schonn e breede Spektrum vu Kläng a seng Musek integréiert mat Instrumenter, déi an der westlecher Welt net bekannt waren.
D’70er waren och d’Zäit vun der Betty Davis, an eng Saach ass kloer: si war eng Artistin, déi hirer Zäit viraus war: Verfechterin vun de Fraerechter, war kuerz mam Miles Davis bestuet an huet deem seng stilistesch Radikalisatioun beaflosst, heescht … eng richteg Punk-Funk Provokateurin.
Raritéit vum Prince: Hien a säi Piano eleng a sengem Studio. Hien experimentéiert, sicht säi Wee, probéiert, wat passt oder net ... dat war 1983, “Piano and a Microphone 1983”, esou och d’Iwwerschrëft vum Album, dee Posthum 2018 erauskoum.
Eng aner Decouverte si Maestro Espada aus Spuenien. Si sinn déi nei Protégés vum Produzent Raül Refree. Mir begéinen den Alejandro a Víctor Hernández, déi engesdaags decidéiert hu sech an d’Traditioune vun hirer Heemecht Murcia eranzeknéien, e spannende Projet, deen de 5. Dezember op den Trans ze gesinn ass: Traditioun begéint den Zäitgeescht vun haut!
Playlist:
1. Verde Prato - Zu atrapatu arte (Cover Kortatu) - Euskal Pop Erradikala - EP
2. Baba Ali - Heart Racer - Heart Racer - Single
3. Yannis & The Yaw - Walk Through Fire (feat. Tony Allen) - Lagos Paris London (feat. Tony Allen)
4. Ludivine Issambourg & Eric Legnini - Night Watch - Above the Laws
5. Yusef Lateef - Jungle Plum - The Gentle Giant
6. Lou Donaldson - Everything I Do Gonna Be Funky (From Now On) - Everything I Play Is Funky
7. Betty Davis - I Will Take That Ride (Bonus Track) - Betty Davis
8. Prince - Piano & a Microphone - 17 Days (Piano & a Microphone 1983 Version) - 1983
9. Maestro Espada - Murciana - Maestro Espada
10. Fabrice Martinez, Vincent Peirani & Collectif La boutique - La nature universelle - Twins
11. Erik Truffaz - Trippin' the Lovelight Fantastic - Arkhangelsk
12. Mo' Horizons - I Can't Sleep (feat. Noam Bar Azulay) - Mango
13. Morcheeba - Sulphur Soul - Blackest Blue
14. Degiheugi - Un Jour Comme Un Autre (Moderator Remix) - Remixed Treasures