Gewierzer aus aller Welt
Neelcheskapp, Gewürznelke, Clou de girofle
5 min
Den Neelcheskapp kënnt ursprünglech vun de Molukkeninselen, déi eenzeg Plaz, wou e joerhonnertelaang ugebaut gouf.
D’Knosp vun der Planz huet d’Form vun engem Nol, dohier säin Numm. En ass konzentréiert un Eugenol, säin Aroma erënnert un Eukalyptus , Peffer an e schmaacht brennend schaarf. Den Neelcheskapp reegt d‘Verdauung un a wierkt géint Blähungen a Völlegefill.
Bei akutem Zännwéi hëlleft et en Neelcheskapp ze knaen, en ass eng éischt Hëllef duerch seng antiseptesch a lokal déidend Wierkung.
A klenger Dosis passt e gutt zu Choucroute, roudem a wäissem Kabes, agemaachten Hierken a Fierkelshämmchen.
Neelcheskäpp ginn och mat anere Gewierzer, déi wierme gebraucht a mat deene se sech harmonesch komplettéieren: mam franséische quatre épices, dem indesche Garam Masala an der englescher Worcestersauce.
D’Ernärungsberoderin Lis Muller huet gesicht, gericht a geschmaacht an huet e puer wäertvoll Rotschléi zesummegefaasst, wéi Wantergewierzer eist allgemengt Wuelbefanne verbesseren, a wéi eng Geschmaachskombinatiounen sech ubidden.
Klengen Tipp:
Masala Chai: Waasser mat Kardamom, Ingwer, Kanéil an engem Neelcheskapp opkachen, schwaarz Téiblieder dran zéie loossen, duerno Mëllech e bësschen Zocker derbäi maachen, ofsiften a genéissen.
Referenzen:
https://www.comptoir-des-epices.com
Aggarwal, B. B. (2023). Heilende Gewürze. Narayana Verlag
Farrimond, S. (2018). Gewürze - Aromen kombinieren, kochen, perfektionieren. DK Penguin Random House
Vierich T, V. T. (2017). Aroma die Kunst des Würzens. Stiftung Warentest
Vierich T., V. T. (2020). Aroma essenziell. Stiftung Warentest
Zenter fir d'Lëtzebuerger Sprooch. (2021). Vun Dréischel bis Kréischel - 294 Uebst- a Geméiszorten, Kraider, Gewierzer an Nëss. ZLS a SCRIPT
Presentéiert vum
- Angie Maquil
Episoden
Ingwer, Ingwer, Gingembre
Eng Wuerzel mat erstaunlechen Eegenschaften
Neelcheskapp, Gewürznelke, Clou de girofle
E Wantergewierz, dat am beschten zesumme mat anere Gewierzer harmonéiert.
Stärenanäis, Sternanis, Anis étoilé
E Glécksbrénger, deen net nëmmen dekorativ ass.
Muskot, Muskat, Muscade
Duerch d‘Erhëtze verléiert d’Muskotnoss séier den Aroma. Duerfir léiwer frësch, als Noss direkt éier een zerwéiert iwwert d’Iesse reiwen.
Kardamom, Kardamom, Cardamome
Kardamom op gréng oder schwaarz an ass ëmmer en Highlight an der asiatescher Kichen
Vanill, Vanille, Vanille
D'Kinnigin vun de Gewierzer, déi fir gutt Laun suergt.
