Déi däitsch Saxofonistin, Flüttistin a Sängerin Nora Kamm huet elo hiren éischten Album als Leader verëffentlecht "One". Si kollaboréiert mat Artisten aus Westafrika an anere Kulturen. Eng vun den Decouverte hei!
Den Azekel Adesuy, kuerz Azekel genannt, ass e gebiertegen Nigerianer, Sänger, Songwriter a Plackeproduzent, deen zu London lieft. Säi Klang ass inspiréiert vum Fela Kuti, Prince, dem poetesche Storytelling an hien zielt zu de kraaftvolle Stëmmen am zäitgenëssesche britteschen R&B.
Qwalia ass e Kollektiv vu Museker, dorënner e Frank Ocean an David Byrne, dee vu villen Ästheetike beaflosst ass: psychedelesche Folk, e sophistiquéierte Funk, Ambient an Avant-Garde-Pop.
Case/Lang/Veirs ass e kanadesch-amerikanesche sougenannte Supergrupp, well en aus lauter bekannte Leit zesummegesat ass: Neko Case, k.d Lang a Laura Veirs. Coup de Coeur!
James Gang Rides Again, bekannt och nach als Rides Again, esou heescht och den Album, deen am Juli 1970 erauskoum. Et ass den zweete Studio-Album vun der amerikanescher Rock-Band James Gang.
Eng beréierend melodesch Virtuositéit héiere mir vum Adam Baldych & Yaron Herman. Piano a Gei an engem schéinen Zesummespill um Album "The New Tradition"!
Nach eng aner kleng Pärel aus dem Joer 1968 lauschtere mir vun der amerikanescher Rock-Band Spirit. "Spirit": den no sech selwer benannten Debut vun der Formatioun.