Firwat brauche Mouken eis Hëllef? Wéi kënne mir mat engem klenge Geste Grousses bewierken?
Zu der typescher Liewensweis vun den Amphibië gehéiert, datt se esouwuel un de Liewensraum Waasser wéi och un d'Land gebonne sinn. Dowéinst musse se tëschent deenen zwee wanderen an eben dann och dacks iwwer Stroossen.
D'Moukewanderung ass normalerweis tëschent Enn-Februar bis Enn-Abrëll wann d'Temperaturen Nuets net méi ënner fënnef Grad Celsius falen.
Eigentlech muss een d'Deiere just drun hënneren op d'Strooss ze lafen an se op eng Platz ze leede wou se sécher eriwwer kommen. Dat ass awer net ëmmer méiglech, do kommen da Rettungsaktiounen an d'Spill, wou d'Déiere vun eise Mënschen eriwwer gedroe ginn. Awer och einfach schonn nëmmen d'Vitesse vun den Autoen op der Strooss limitéieren, ka schonn immens villen Déieren d'Liewe retten.
Kleng Gesten déi hëllefe kennen:
Lues fueren, op Plaze wou se awanderen. Wann ee mat 30 km an der Stonn fiert, stierwen an der Moyen 80 Prozent manner Déieren.
Lues fuere gëllt och bei Rettungsaktiounen. Wann Benevoller ënnerwee si fir den Déiercher ze hëllefen da fuert lues laanscht, fir datt kengem Eppes geschitt.
