Radioen

On air

De Moien  |  Moiespanorama

play_arrow Live
arrow_back_ios

One World

100komma7.lu / One World

/ Transmusicales 7.-11. Dezember (Part 2)

Transmusicales 7.-11. Dezember (Part 2)

headphones

57 min

Lauschteren play_arrow

Den Trio Ali léisst en hypnotesche Groove aus Indonesien erkléngen. Et dominéiert de Klang aus der psychedelescher Underground Zeen vu Jakarta an de 70er Joren, awer mat der Grupp hiren aneren Influenzen a ganz eegenen Touch.

Eng jett Europa-Premièren aus ënnerschiddleche Genrë sinn och dëst Joer nees ze entdecken, dorënner d'Sworn Virgins, e mysteriéise britteschen Duo am Beräich Dark-Disco, Acid-House dat Ganzt mat enger gudder Portioun Humor.

Duo Ruut ass eng interessant Renconter tëschent zwou Artistinnen aus Estland. Si associéieren d'Stëmm mat enger estnescher Zitar.

Och aus Estland kommen de Ramo Teder a Marko Veisson, déi ënner dem Numm Puuluup eng Musek virstellen, déi déi ganz Klang-Palett vum Talharpa erfuerscht, en aalt skandinavescht Instrument.

Den Trio Gondhawa vun Angers vermëscht Afrobeat, Metal, progressive Rock mat engem psychedeleschen Touch a benotzt och mol afrikanesch oder asiatesch Instrumenter. Interessant och ass hiren Numm: Gondhawa als Referenz zum Barjavel sengem futuristesche Roman "La Nuit des temps", 1968 erauskomm.

D'Australierin Grace Cummings mat hirer rauer an imposanter Stëmm ass beaflosst vun de Folk Poeten a Poetinne vum 20. Joerhonnert, vun enger Joni Mitchell bis zum Bob Dylan an ass fir d'éischt op europäeschem Buedem live ze gesinn.

Déi éisträichesch Saxophonistin a Komponistin Muriel Grossmann gëllt als Geheimtipp vun der aktueller Jazz-Zeen, dat obwuel si ganz vill Disken ënner hirem Numm opgeholl huet. De Concert op den Trans ass op der Bün vum intime Sall vum Ubu ze gesinn, am Quartett, wou hire Saxophon vun enger Gittar, enger Batterie an enger Hammond Uergel begleet gëtt.

De Saxophon ass och dem Guillaume Perret säin Instrument, hien entwéckelt sech ëmmer méi zu engem Erfuerscher vum Klang. Op den Trans dëst Joer presentéiert de Guillaume Perret seng nei Kreatioun, wou hien nei Territoirë betrëtt mat sengem elektresche Saxophon a Maschinnen, dat zesumme mam Batteur Tao Ehrlich. Hiren Jazz reest duerch tribal Zone mat Influenzen aus verschiddenen Ethnië bis hin zu enger polyrhythmescher Techno.

Eng psychedelesch Cumbia loossen d'Kolumbianer vum Combo Chimbita erkléngen. D'Formatioun zelebréiert déi spirituell Ierfschaft vun hire Virfaren a si si gläichzäiteg fest am Here and Now verwuerzelt mat engagéierten Texter géint Rassismus a fir d'Rechter vun den LGBTQ+ Persounen.

D'Danielle Ponder gouf mam Gospel grouss a setzt hir Konscht an den Déngscht vun der Soul a vum Blues. Och si, grad wéi Combota Chimbita, setzt sech a fir benodeelegt Mënschen a fir Chancëgläichheet.

Playlist:


Ali - Dance, Habibi - Dance, Habibi/Single
Sworn Virgins - Searchin for Hiro - Strangers Hands/EP
Puuluup - Kasekesed - Viimane Suusataja
Duo Ruut - Nightingale - Kulla Kerguseks/EP
Gondhawa - Raba Dishka - Raba Dishka/Single
Grace Cummings - Storm Queen - Storm Queen
Muriel Grossmann - Essence - Universal Code
Guillaume Perret - Peace - A Certain Trip
Combo Chimbita - Ahomale - Ahomale
Seb Martel - Blue Suede Shoes - Saturn 63
Danielle Ponder - Some Of Us Are Brave - Some of Us Are Brave
Phat Dat - Flowers - Flowers

Musek

Episoden

Summer 2024

Bléiser vun New Orleans, deen neie Sound vu Rio de Janeiro, Folk aus England … de Womad Festival 2024 mécht an e puer Deeg seng Dieren op! Vum 25.-28. Juli am Charlton Park Malmesbury.

Summer 2024

Bléiser vun New Orleans, deen neie Sound vu Rio de Janeiro, Folk aus England … de Womad Festival 2024 mécht an e puer Deeg seng Dieren op! Vum 25.-28. Juli am Charlton Park Malmesbury.
headphones

56 min

play_arrow

Timeless

Zäitgenossen aus dem Acid-Jazz, der Soul an dem Blues, eng interessant Renconter an en Disk, dee Geschicht geschriwwen huet.
headphones

56 min

play_arrow

Summer 24

DelikateSinger-Songwriting, eng begaabte Gittaristin, e klénge musikaleschen Trip duerch de Summer 2024 an den zäitgenësseschen Ausdrock mat neien Techniken.
headphones

56 min

play_arrow

Together

Op der Spuer vun engem Artist a Weltenbummler, en Italieener, deen Jamaika zu senger Walheemecht gemach huet an e puer interessant Kollaboratiounen
headphones

58 min

play_arrow

Tribal Beats

Vill Rhythmus a ganz present Drums bei One World haut, en a seng Eenzeldeeler zerluechte Flamenco an e Retour en Force vun enger Band aus Zambia.
headphones

61 min

play_arrow

The New Tradition

Spannend Kollaboratiounen tëschent Museker aus verschiddene Kulturen, eng Stëmm voll Kraaft vum zäitgenëssesche britteschen R&B an e Retour a vergaangen Zäiten.
headphones

55 min

play_arrow

On The Road I

Sonneg Latino Kläng, déi d’Wolleke verdreiwen, Singer-Songwriting, dee Geschicht geschriwwen huet, a Musek fir ze dreemen oder ze chillen.
headphones

56 min

play_arrow

sunny side up

Musek fir ze chillen, Rhythmen aus dem waarme Süden, walisesch Traditiounen nei interpretéiert an eng virtuos Zitar
headphones

56 min

play_arrow

Desert Blues

Ishumar Musek, déi op Lëtzebuerg kennt, eng Decouverte aus Pakistan, alternative Folk aus Wales …
headphones

61 min

play_arrow

Man in Black

E Virgeschmaach op nei Disken di sech ukënnegen dorënner e posthumen Album vum Johnny Cash. Singer-Songwriting, Soul, Psychedelia a Musek fir ze chillen…
headphones

56 min

play_arrow

Back To Black

Nei-Verëffentlechungen, e Retour an d’70er, an eng Film-Musek di beréiert.
headphones

61 min

play_arrow

Hymne au soleil

Artiste mat engem ganz eegenen Universum, engagéiert Museker fir d’Mënscherechter an d’Natur an e bësse psychedeelesche Feeling ass derbäi, notamment aus Australien.
headphones

56 min

play_arrow

La Rata Bluesera

Blues aus Chile, Spaghetti-Western Feeling an e klenge Retour an d’80er
headphones

56 min

play_arrow

Métissage

Och d’Emissioun dës Kéier verdäitlecht nees, wéi räich den Austausch tëschent de Kulturen an der Musek ass.
headphones

55 min

play_arrow

Fréijoer 2024

Reggae Feeling, e Meeschterwierk, dat net Vergiessenheet gerode soll an en neien Album mat 60es Feeling
headphones

56 min

play_arrow

It Must Change

Musek aus der Sahel-Zon, déi op d’Onofhängegkeetsbestriewunge vun den Touareg opmierksam mécht, eng nei Stëmm am Beräich vun der Soul an e puer cool Lidder
headphones

61 min

play_arrow

Beats and Songwriting

E bësse Punk aus de 70er, Blues, R&B a Roots Musek …a schéi Stëmmen
headphones

56 min

play_arrow

Sparkles

Irresistibel Kläng aus Brasilien, sprëtzeg Metissagen an Traditiounen zäitgenëssesch interpretéier
headphones

57 min

play_arrow

in the mood of…

Hafestied an hir Influenz op d’Musek, e Retour bei den ‘Trip Hop’ aus den Ugangs 90er, e jonkt Nowuess Talent an e längeren Openthalt an der Belsch.
headphones

55 min

play_arrow