De Gyedu-Blay Ambolley ass en Highlife-Museker aus Ghana, Songwriter, Produzent a Komponist. Hie gëllt als éischte Museker, deen d'Form vum Rap an déi lokal Rhythmen integréiert an esou en neie Genre geschafen huet: de Simigwa.
De Florian Gratton alias Flox steet op de Reggae an all senge Formen. De Londoner, dee Paräis zu senger Walheemecht gemaach huet, huet 2022 Joer säin neien Album "Sqzare Dub" verëffentlecht, op deem hien Elektro-Pop mat Reggae-Rhythme verbënnt.
D'Senny Camara ass grouss gi mat de westafrikanesche Museks-Traditiounen an ass och haut nach ëmmer vun dëse beaflosst. Zu Dakkar gebuer a vun enger Traditiouns-bewosster Groussmamm grouss gezu ginn an engem Duerf, dat haaptsächlech vun der Ethnie vun de Serer bewunnt war, esou war déi jonk Senny Camara ëmgi vun der Musek, virun allem och den "Ndeup", dat sinn déi Lidder, déi fir Heelungs-Zeremonië benotzt ginn.
De Cuarteto Tafi léisst eng powerfull Fusioun vun der argentinescher Stëmm - et ass déi vun der Sängerin Léo Harispe - an de Latino-Influenzen erkléngen. "Amenacer" ass hire véierten Album, musikalesch Landschaften, déi alleguer leidenschaftlech klengen.
Den Oan Kim ass e franséisch-koreanesche Saxofonist, Sänger, Komponist an och Realisateur a Fotograf. Säin 2022 Album "Oan Kim & the Dirty Jazz" zielt zu de Favoritte vun deem Joer.
De Lewis Evans ass vu Liverpool a wunnt an der Normandie. Seng éischt Karriär als Museker huet hie gemaach un der Spëtzt vun der franséischer Formatioun The Lanskies, duerno als Solo Museker, éier hien dunn d'Musek ganz opginn huet. De Lewis Evans huet duerno als Gäertner geschafft, an et ass am Gréngen, wäit ewech vun de Bünen, wou hien de Pleséier fir d'Musek zeréckfanne konnt.
En neie Phenomeen vun New-Orleans ass d'79rs Gang. Un der Spëtzt vun dësem Kollektiv zwee Black Indians Cheffen. Dat heescht Indianer vu Mardi Gras, déi d'Traditioun vum faméise Carnaval inkarnéieren, de Jermaine Bossier a Romeo Bougere, déi aus rivaliséierenden Tribue stamen. Déi Zwee hunn also d'Friddenspäif gefëmmt ...
Den Eritreeër Hermon Mehari ass zu Kansas City gebuer, seng Famill hat d'Land an den 80er Jore wéinst dem Krich verlooss. Zanter 2015 lieft deen héich begaabten Trompettist zu Paräis a vereent sech nees mat sengen Originnen um Album "Asmara".
Playlist:
Gyedu-Blay Ambolley - Yekor Ye a Yeaba - Blay Ambolley and Hi - Life Jazz
Flox - In The Shade - Square Dub
Groundation - Market Price - One Rock
The Rebels of Tijuana - Brazil 70 - Brazil 70/EP
Senny Camara - Bim Bam - Boolo/EP
Djely Tapa - Barokan - Barokan
Ibrahima Cissokho & Mandingue Foly - Ware - Liberté Mom Sa Bop
Cuarteto Tafi - Somos de la Tierra (feat. Serge Lopez & Jean-Luc Amestoy) - Amanecer
Souad Massi - Dessine-moi Un Pays - Sequana
Oan Kim - The Interzone - Oan Kim & the Dirty Jazz
Lewis Evans - The Devil and the apple tree - Ascension
79rs Gang - 79rs Bout To Blow - Expect the Unexpected
Hermon Mehari - Tefanaqit