Radioen

On air

De Moien  |  David Sylvian - Red Guitar

play_arrow Live
arrow_back_ios

One World

100komma7.lu / One World

/ Multikulti

Multikulti

headphones

56 min

Lauschteren play_arrow

De Sunsay, mat richtegen Numm Andriy Zaporozhets, aus der Ukrain, ee bei eis nach onbekannten Artist, a sengem Land hat hien awer vill Succès mat der Formatioun 5'nizza.

Eng nei Stëmm aus dem zäitgenëssesche Flamenco ass déi vu Rocio Marquez y Bronquio. Si, eng vun de schéinste Stëmmen aus dem Flamenco vun haut, hien, e bekannte spuenesche Produzent aus dem Beräich vun der elektronescher Musek. Mir héieren hei eng zäitgenëssesch Entfriemung vum Genre ...

De Rodín Kaufmann ass an Däitschland gebuer, am Marokko, an Ägypten an am Libanon grouss ginn an ass elo zu Marseille installéiert. Polyglott a multidisziplinär, den Artist decidéiert déi okzitanesch Sprooch ze léieren a sengt se op seng Aart a Weis, agepaakt a ganz eegen Hybrid-Kompositiounen.

De Grupp Ayom gouf zu Barcelona gegrënnt a gëtt vun der brasilianescher Sängerin a Perkussionistin Jabu Morales geleet. Si ass ëmgi vu Museker aus Angola, Italien a Griichenland. Ayom léisst den Itineraire vun der afrikanescher Diaspora erkléngen.

Eng schéin orchestréiert Pop héiere mir vum Jan Verstraeten. Dem Museker vu Gent seng Kompositioune klénge wéi musikalesch Postkaarten, e Coup de coeur!

Psychedeeleschen orientalesche Funk vu Jakarta proposéiert den indoneseschen Trio Ali, en hypnotesche Groove, beaflosst vum Sound aus dem Underground vu Jakarta an de 70er Joren.

Vicky Veryno ass en neien Numm am Beräich vun de Singer-Songwriterinnen. D'Franséisin vu Rennes schaaft eegen Atmosphäre mat enger gudder Balance tëschent Akustik an Elektronik.

Kóboykex sinn zwee Kärelen, déi sech als Cowboye presentéieren, Hiemer mat Fränjelen a mat pastellfaarwege Stetsons. Déi zwee Färöer vu Kóboykex maachen eng Musek déi schéngt aus dem Néierens ze kommen, esou wéi déi geographesch Positioun vun den Inselen, een zeréckgesaten Tempo tëschent Country a minimalistescher Elektronika.

Afro-Elektro, dat ass d'Spillwiss vun der Asna, d'Komponistin an d'DJ staamt vun Abidjan. Wann een DJ och e Museker ass, dann an dësem Fall op jiddwer Fall!

Psychedelesch Kläng aus der Tierkei héiere mir vu Şatellites, Grupp, déi zu Tel Aviv baséiert ass. Si sinn inspiréiert vun den anatolesche Kläng aus de 70er a revisitéieren op hir Aart a Weis vergiesse Stécker vun Divae wéi enger Kamuran Akkor oder Ferda Gül.

Playlist:


Sunsay - Excatly U/Single
Rocio Marquez y Bronquio - Niña De Sangre -Tercer Cielo
C. Tangana & Niño de Elche - Un Veneno/Single
Puuluup - TV on the street - Viimane Suusataja
Rodín - Rei de la luna - Pantais Clus
Ariel Tintar - Taxi Caraïbes/Single
Ayom - Cachaça e macarrão - Ayom
Jan Verstraeten - Vampire In My Bed - Violent Disco
Ali - Downtown Strut/Single
Danielle Ponder - So Long - Some Of Us Are Brave
Birrd - Void Loop/Single
Zaho de Sagazan - Suffisamment
Kóboykex - Midnight Gale/Single
Zaho de Sagazan - Suffisamment/Single
Asna - Atalaku/Single
Şatellites - Seni Sen Olduğun İçin Sevdim /Single
Mowdee x coutié - Boca/Single

Musek

Episoden

Summer 2024

Bléiser vun New Orleans, deen neie Sound vu Rio de Janeiro, Folk aus England … de Womad Festival 2024 mécht an e puer Deeg seng Dieren op! Vum 25.-28. Juli am Charlton Park Malmesbury.

Summer 2024

Bléiser vun New Orleans, deen neie Sound vu Rio de Janeiro, Folk aus England … de Womad Festival 2024 mécht an e puer Deeg seng Dieren op! Vum 25.-28. Juli am Charlton Park Malmesbury.
headphones

56 min

play_arrow

Timeless

Zäitgenossen aus dem Acid-Jazz, der Soul an dem Blues, eng interessant Renconter an en Disk, dee Geschicht geschriwwen huet.
headphones

56 min

play_arrow

Summer 24

DelikateSinger-Songwriting, eng begaabte Gittaristin, e klénge musikaleschen Trip duerch de Summer 2024 an den zäitgenësseschen Ausdrock mat neien Techniken.
headphones

56 min

play_arrow

Together

Op der Spuer vun engem Artist a Weltenbummler, en Italieener, deen Jamaika zu senger Walheemecht gemach huet an e puer interessant Kollaboratiounen
headphones

58 min

play_arrow

Tribal Beats

Vill Rhythmus a ganz present Drums bei One World haut, en a seng Eenzeldeeler zerluechte Flamenco an e Retour en Force vun enger Band aus Zambia.
headphones

61 min

play_arrow

The New Tradition

Spannend Kollaboratiounen tëschent Museker aus verschiddene Kulturen, eng Stëmm voll Kraaft vum zäitgenëssesche britteschen R&B an e Retour a vergaangen Zäiten.
headphones

55 min

play_arrow

On The Road I

Sonneg Latino Kläng, déi d’Wolleke verdreiwen, Singer-Songwriting, dee Geschicht geschriwwen huet, a Musek fir ze dreemen oder ze chillen.
headphones

56 min

play_arrow

sunny side up

Musek fir ze chillen, Rhythmen aus dem waarme Süden, walisesch Traditiounen nei interpretéiert an eng virtuos Zitar
headphones

56 min

play_arrow

Desert Blues

Ishumar Musek, déi op Lëtzebuerg kennt, eng Decouverte aus Pakistan, alternative Folk aus Wales …
headphones

61 min

play_arrow

Man in Black

E Virgeschmaach op nei Disken di sech ukënnegen dorënner e posthumen Album vum Johnny Cash. Singer-Songwriting, Soul, Psychedelia a Musek fir ze chillen…
headphones

56 min

play_arrow

Back To Black

Nei-Verëffentlechungen, e Retour an d’70er, an eng Film-Musek di beréiert.
headphones

61 min

play_arrow

Hymne au soleil

Artiste mat engem ganz eegenen Universum, engagéiert Museker fir d’Mënscherechter an d’Natur an e bësse psychedeelesche Feeling ass derbäi, notamment aus Australien.
headphones

56 min

play_arrow

La Rata Bluesera

Blues aus Chile, Spaghetti-Western Feeling an e klenge Retour an d’80er
headphones

56 min

play_arrow

Métissage

Och d’Emissioun dës Kéier verdäitlecht nees, wéi räich den Austausch tëschent de Kulturen an der Musek ass.
headphones

55 min

play_arrow

Fréijoer 2024

Reggae Feeling, e Meeschterwierk, dat net Vergiessenheet gerode soll an en neien Album mat 60es Feeling
headphones

56 min

play_arrow

It Must Change

Musek aus der Sahel-Zon, déi op d’Onofhängegkeetsbestriewunge vun den Touareg opmierksam mécht, eng nei Stëmm am Beräich vun der Soul an e puer cool Lidder
headphones

61 min

play_arrow

Beats and Songwriting

E bësse Punk aus de 70er, Blues, R&B a Roots Musek …a schéi Stëmmen
headphones

56 min

play_arrow

Sparkles

Irresistibel Kläng aus Brasilien, sprëtzeg Metissagen an Traditiounen zäitgenëssesch interpretéier
headphones

57 min

play_arrow

in the mood of…

Hafestied an hir Influenz op d’Musek, e Retour bei den ‘Trip Hop’ aus den Ugangs 90er, e jonkt Nowuess Talent an e längeren Openthalt an der Belsch.
headphones

55 min

play_arrow