Radioen

On air

De Moien  |  Noel Gallagher's High Flying Birds - Council Skies

play_arrow Live
arrow_back_ios

One World

100komma7.lu / One World

/ Arômes Complexes

Arômes Complexes

headphones

56 min

Lauschteren play_arrow

Den Argentinier Chancha Vía Circuito aka Pedro Canale huet elo säin neien a fënnefte Volllängt-Album "La Estrella" verëffentlecht, en Disk an Zesummenaarbecht ë. a mat Fémina.

Och de franséisch-brasilianeschen Duo LUIZGA & iZem huet eng Aktualitéit: "Yemamaya", wou en de grousse Caetano Veloso revisitéiert.

En nawell zimmlech aussergewéinlechen Album ass "Becoming Adomaa" vun der Adomaa, Musekerin, Performerin an Actrice aus dem Ghana. Hei héiere mir eng ergräifend Soul, déi mat bizaren Orchestratioune verbonne gëtt. Op dësem Album sengt si iwwer hir Zweiwel, Ängschten an deen Deel vun hirem Liewen, deen engem Zirkus gläicht.

D'Lidd "Unchained Melody" staamt aus dem Joer 1959. Den Alex North hat d'Musek geschriwwen an den Hy Zaret den Text. Eng richteg schéin Interpretatioun ass déi vum amerikanesche Gesang-Trio The Fleetwoods, dee vun den Enn 50er bis an d'80er Joren aktiv war.

De franséische Kontrabassist François Poitou weist haut nees op en Neits, datt hie keng Beréierungsängschte mat anere Genren huet. Op sengem neien Album "Arômes Complexes" begéint hien dës Kéier d'Rapperin Pumpkin, mam richtegem Numm Cécile Unia. D'Texter, déi geschriwwe goufen op Titelen, déi hien erausgesicht huet, setze sech mat Theemen ausenaner wéi d'Agespaart-sinn, der Introspektioun, soziale Rapporten an handelen och iwwer d'Lass-Loossen.

En anere Klassiker dës Kéier ass déi schéin Interpretatioun vum JJ Cale sengem "Cajun Moon", Titel, deen 1974 erauskoum, hei an den Hänn vum Jazz-Flüttist Herbie Mann zesumme mat der Sängerin Cissy Houston, erauskomm um Album "Surprises" 1976 bei Atlantic.

Eng vun de bekannte Fraen am Punk war d'Ari Up mat hirer Band The Slits. Si stoung op Musek aus Jamaika an huet an den 80er Joren ëmmer erëm mam Dub Produzent Adrian Sherwood geschafft. Kuerz virun hirem Doud huet si mat dësem zesummen un der Iddi geschafft, fir méi Diversitéit am Reggae an am Dub ze suergen. Et handelt sech ëm e Sampler, op deem ausschliisslech Fraen aus verschiddene Kulturkreesser hir Lidder selwer schreiwen an hire respektive Sproochen an och zum Deel d'Instrumenter spillen. Dëse Sampler koum elo eréischt dëst Joer, no enger laanger Virbereedungsphas, fir den 12. Doudesdag vun der Ari, eraus.

Just e puer Méint nom Album "Boleros Psicodélicos" mellt sech de Produzent a Gittarist aus dem Texas Adrian Quesada op en Neits mam Album "Jaguar Sound". 12 Titelen, instrumental Grooven, déi inspiréiert si vun de Soundtracks aus de 70er, dem Hip-Hop an der Soul. Den Disk kënnt den 18. November eraus.

Tatarstan ass eng autonom Republik a Russland, wou déi gréissten ethnesch Communautéit d'Tatare sinn. Hir traditionell Musek ass eng Mëschung ë. a aus tierkeschen, finneschen an och mongoleschen an ungareschen Aflëss. Wat dës Musek virun allem distinguéiert ass hir pentatonesch Skala, wéi mir se kenne vun de chineeseschen a vietnameesesche Museks-Traditiounen. Mir héieren d'Komponistin an d'Musekerin Karolina Cicha zesumme mam Multiinstrumentalist Bart Pałyga vum Album "Płyta Tatarska".

Playlist:


Chancha Vía Circuito & Femina - Cometa - La Estrella
LUIZGA & iZem - Alguém Cantando - Yemamaya - EP
Tim Bernardes - Beleza Eterna - Mil Coisas Invisíveis
Ian Lasserre - Mar Mirante - Sonoridade Pólvora
Adomaa - Circus - Becoming Adomaa
Melaine Dalibert - Six + Six - Shimmering
The Fleetwoods - Unchained Melody - Mr Blue
François Poitou & Pumpkin - Deux pieds dans le sable - Arômes Complexes
Herbie Mann - Cajun Moon - Surprises
Adrian Sherwood & Temi Oyedele - I Dupe (Thanks Giving) - Dub No Frontiers
Adrian Quesada - Noble Metals - Jaguar Sound
Karolina Cicha & Bart Pałyga - Tawga Bardim - Płyta Tatarska
Esbjörn Svensson - Alpha - HOME.S.
Ólafur Arnalds & Hania Rani - Woven Song - piano reworks - some kind of peace - piano reworks

Musek

Episoden

Summer 2024

Bléiser vun New Orleans, deen neie Sound vu Rio de Janeiro, Folk aus England … de Womad Festival 2024 mécht an e puer Deeg seng Dieren op! Vum 25.-28. Juli am Charlton Park Malmesbury.

Summer 2024

Bléiser vun New Orleans, deen neie Sound vu Rio de Janeiro, Folk aus England … de Womad Festival 2024 mécht an e puer Deeg seng Dieren op! Vum 25.-28. Juli am Charlton Park Malmesbury.
headphones

56 min

play_arrow

Timeless

Zäitgenossen aus dem Acid-Jazz, der Soul an dem Blues, eng interessant Renconter an en Disk, dee Geschicht geschriwwen huet.
headphones

56 min

play_arrow

Summer 24

DelikateSinger-Songwriting, eng begaabte Gittaristin, e klénge musikaleschen Trip duerch de Summer 2024 an den zäitgenësseschen Ausdrock mat neien Techniken.
headphones

56 min

play_arrow

Together

Op der Spuer vun engem Artist a Weltenbummler, en Italieener, deen Jamaika zu senger Walheemecht gemach huet an e puer interessant Kollaboratiounen
headphones

58 min

play_arrow

Tribal Beats

Vill Rhythmus a ganz present Drums bei One World haut, en a seng Eenzeldeeler zerluechte Flamenco an e Retour en Force vun enger Band aus Zambia.
headphones

61 min

play_arrow

The New Tradition

Spannend Kollaboratiounen tëschent Museker aus verschiddene Kulturen, eng Stëmm voll Kraaft vum zäitgenëssesche britteschen R&B an e Retour a vergaangen Zäiten.
headphones

55 min

play_arrow

On The Road I

Sonneg Latino Kläng, déi d’Wolleke verdreiwen, Singer-Songwriting, dee Geschicht geschriwwen huet, a Musek fir ze dreemen oder ze chillen.
headphones

56 min

play_arrow

sunny side up

Musek fir ze chillen, Rhythmen aus dem waarme Süden, walisesch Traditiounen nei interpretéiert an eng virtuos Zitar
headphones

56 min

play_arrow

Desert Blues

Ishumar Musek, déi op Lëtzebuerg kennt, eng Decouverte aus Pakistan, alternative Folk aus Wales …
headphones

61 min

play_arrow

Man in Black

E Virgeschmaach op nei Disken di sech ukënnegen dorënner e posthumen Album vum Johnny Cash. Singer-Songwriting, Soul, Psychedelia a Musek fir ze chillen…
headphones

56 min

play_arrow

Back To Black

Nei-Verëffentlechungen, e Retour an d’70er, an eng Film-Musek di beréiert.
headphones

61 min

play_arrow

Hymne au soleil

Artiste mat engem ganz eegenen Universum, engagéiert Museker fir d’Mënscherechter an d’Natur an e bësse psychedeelesche Feeling ass derbäi, notamment aus Australien.
headphones

56 min

play_arrow

La Rata Bluesera

Blues aus Chile, Spaghetti-Western Feeling an e klenge Retour an d’80er
headphones

56 min

play_arrow

Métissage

Och d’Emissioun dës Kéier verdäitlecht nees, wéi räich den Austausch tëschent de Kulturen an der Musek ass.
headphones

55 min

play_arrow

Fréijoer 2024

Reggae Feeling, e Meeschterwierk, dat net Vergiessenheet gerode soll an en neien Album mat 60es Feeling
headphones

56 min

play_arrow

It Must Change

Musek aus der Sahel-Zon, déi op d’Onofhängegkeetsbestriewunge vun den Touareg opmierksam mécht, eng nei Stëmm am Beräich vun der Soul an e puer cool Lidder
headphones

61 min

play_arrow

Beats and Songwriting

E bësse Punk aus de 70er, Blues, R&B a Roots Musek …a schéi Stëmmen
headphones

56 min

play_arrow

Sparkles

Irresistibel Kläng aus Brasilien, sprëtzeg Metissagen an Traditiounen zäitgenëssesch interpretéier
headphones

57 min

play_arrow

in the mood of…

Hafestied an hir Influenz op d’Musek, e Retour bei den ‘Trip Hop’ aus den Ugangs 90er, e jonkt Nowuess Talent an e längeren Openthalt an der Belsch.
headphones

55 min

play_arrow