Forager Records hunn dëst Joer eng Anthologie verëffentlecht mat raren Opnamen aus de 70er an 80er Joren. Hei sinn zéng restauréiert a re-masteriséiert Titele vun onbekannten Artisten ze héieren.
"Cheat Codes" ass deen éischten Hip-Hop-Album vum Danger Mouse zanter 17 Joer an déi eenzeg Zesummenaarbecht vum amerikanesche Rapper Black Thoughts ausserhalb vu The Roots. Hei si mir am Beräich vum conscious Rap.
De franséische Perkussionisten-Trio SR9 huet en neien Album, deen "Déjà Vu" iwwerschriwwen ass. Hei sinn déi dräi Museker mat Gaaschtinvitéen ze héieren an der Interpretatioun vu Pop-Lidder.
Och derbäi den tierkesche Baglama-Meeschter Coşkun Karademir mam Album "Öz", wou de Museker Instrumenter aus verschiddene Kulturkreesser zesummeféiert an eng innovativ Fusioun schaaft!
Eng vun de schéinen Zesummenaarbechte vum italieenesche Perkussionist a Komponist Simone Prattico ass déi mam Paolo Fresu vu "Word of Mouth". Nach aner spannend Dialoger huet hien an der Lescht och mam Eric Legnini, Piers Faccini, Marcello Giuliani oder Vincent Peirani geféiert.
"Hannet Lekloub" ass den drëtten Album vum tuneeseschen Duo Ÿuma. Wann een der Musek misst eng Etikett verpassen, da wier dat Indie-Folk. Op arabesch gesongen ass "Hannett Lekloub" mat sengen eelef Titelen eng vun de fruchtbaren hybride Kollektioune vun eiser Zäit.
Deen an Äthiopie gebuerene Keyboarder Kibrom Birhane vermëscht spirituellen Jazz mat äthiopesche Motiver op senger Aktualitéit "Here And There". Méi Influenze sinn och erauszehéieren, dorënner ostafrikanesche Funk an dat Ganzt ergëtt en eenzegaartege musikalesche Raum.
Playlist:
Ron Eliran - Sky Dust Drifter - Sky Dust Drifter
Ben Harper - Problem Child - Bloodline Maintenance
Danger Mouse & Black Thought - The Darkest Part (feat. Raekwon and Kid Sister) - Cheat Codes
Trio SR9 & Blick Bassy - Bad Guy - Déjà Vu
Gino Sitson - Upward (feat. Manu Dibango) - Echo Chamber
Trio Da Kali & Kronos Quartet - Tita - Ladilikan
Coşkun Karademir -Rüzgar - Öz
Simone Prattico & Paolo Fresu -Word of Mouth - Word of Mouth - Single
Ÿuma - Denia Dour - Hannett Lekloub
Kibrom Birhane - Digis - Here and There