D'Oumou Sangaré ass zu Bamako gebuer an engem vun den äermste Véierel vun der Haaptstad aus dem Mali. Si ass mat hirer Leidenschaft fir d'Musek zu enger vun den aflossräichsten zäitgenësseschen afrikanesche Sängerinne ginn, déi och international Karriär gemaach huet an doheem ongemittlech Noriichte vermëttelt iwwer Fraerechter, Traditioun an Aarmut.
Der Derya Yildirim hir Racinne leie méi nërdlech um afrikanesche Kontinent, an Anatolien. Si ass an Däitschland gebuer, spillt eng westlech Psychedelia, déi awer staark vum anatolesche Folk beaflosst ass.
Déi amerikanesch Singer-Songwriterin, Cellistin a Banjo-Spillerin Leyla McCalla verbënnt d'Traditioun vun de Kreolen, de Cajuns an den Haitianer mat Folk, Bluegrass an Jazz. Um Album "Breaking the Thermometer", deen dëst Joer erauskoum, erfuerscht d'Leyla McCalla déi beweegte Geschicht vun de Kreolen a benotzt Archiv-Material vu Radio Haiti.
De Stelios Petrakis a säi Quartett léist de ganze Mosaik vun de Kläng aus Kreta an d'Influenzen aus dem Mëttelmierraum erkléngen. Hei héiere mir en neien Extrait vu senger Aktualitéit "Spondi".
En aussergewéinleche Stëmm-Cello Duo ass dee vun der franséisch-amerikanescher Sängerin Rosemary Standley zesumme mat der brasilianescher Singer-Songwriterin an Cellistin Dom La Nena. "Birds On a Wire" heescht hire gemeinsamen Album, op deem si aneren Artisten hir Lidder revisitéieren.
Originne si seele ganz kloer ... beim a Brasilie gebuerene Luiz Mura gëtt et do souguer eng Hellewull vu multikulturellen Aflëss a senger Famill, wou Japaner doheem si grad wéi Portugisen, Brasilianer oder Italieener. De Luiz Murá ass vun der Bossa Nova faszinéiert, grad wéi vum Jazz an der Improvisatioun oder vun den traditionelle Museken. Säin neien Album "Origem" ass en Hommage un de grousse João Gilberto, deen eis am Summer 2019 verlooss huet.
Playlist:
Oumou Sangaré - Wassulu Don - Timbuktu
Derya Yildirim & Grup Simsek - Bal - Dost 2
Erik Aliana - Ke enda oko (feat. Debashish Bahttacharya) - Ancestors
Leyla McCalla - Fort Dimanche - Breaking the Thermometer
Stelios Petrakis Quartet - Rodo Ts' Avgis - Spondi
Misia - Ouso Dizer - Pura Vida (Banda Sonora)
Cuarteto Tafi - Entre Dos Valles - Amanecer
Hardkandy - Pure Fantasy (feat. Andy Platts) - Pure Fantasy
Rosemary Standley & Dom La Nena - All the World Is Green - Birds On a Wire
Luiz Murá - Até o Sol Raiar - Origem
Marina Satti - Κούπες - Κούπες - Single
Boulevards - Better off Dead (feat. Nikki Lane) - Electric Cowboy: Born in Carolina Mud