One World
piano
57 min
De Pianist Ramsey Lewis vu Chicago huet eis am Alter vu 87 Joer verlooss, mee hien hannerléisst ëm déi 80 Disken, e puer irresistibel Tuben aus de 60er an en Ausdrock, deen immens villsäiteg ass.
Déi zwou Jazz-Gréissten Jason Moran & Archie Shepp sinn zesummen um Album "Let My People Go" ze héieren, et handelt sech hei ëm Opnamen, déi am Kader vum Enjoy Jazz Festival 2018 realiséiert goufen.
Déi New Yorker Sängerin an Aktivistin Danielle Ponder huet zesummen mam Soul-Outfit Karate Boogaloo vu Melbourne d'Single "Look Around" 2020 agespillt, wärend deem d'Feier Ravagen an Australien gemaach huet.
Wien och ëmmer d'Iddi hat de punkegen Iggy Pop mam Meeschter vum Jazz Dr. Lonnie Smith zesummenzebréngen, dee sollt e Spezial-Grammy kréie fir de sënnvollen Asaz vu psychedelesche Substanzen, schreift d'Süddeutsche Zeitung, wéi déi zwee hire Cover vum Donovan sengem "Sunshine Superman" d'lescht Joer erausbruecht hunn.
Den Album Acoustic "Love" Sessions ass den éischte Volumm vun enger neier Kollektioun, déi de Label Think Zik ! sech ausgeduecht huet. Hei héiere mir zwee weider Extraite vun dësem Album, op deem jo d'Thematik vun der Léift am Zentrum steet. Op der Säit vum Label gi mir gewuer, datt dëse Projet laang Zäit am Kapp vum Grënner Malick N Diaye ausgeräift ass.
Den N Diaye gehéiert zu deenen, déi der Meenung sinn, datt d'Wouerecht vun engem Titel am Ausdrock vu senger puerster Form ze héieren ass.
Playlist:
Ramsey Lewis - Wade In the Water - Ramsey Lewis: Finest Hour
Ramsey Lewis Ramsey - Black Is the Color - Lewis and His Gentlemen of Jazz
Jason Moran & Archie Shepp - He Cares - Let My People Go
Natalia M. King - Baby Brand New - Bluezzin T'il Dawn
Chicken Grass - Snakebites (feat. Princess Shaw) - Snakebites/Single
Karate Boogaloo & Danielle Ponder - Little Bit - Look Around / Little Bit - Single
Dr. Lonnie Smith & Iggy Pop - Sunshine Superman - Breathe Jazz
Teaspoon Ndelu - Sputla - Mr Bongo Record Club, Vol. 4 (Compiled by Mr Bongo)
Think Zik ! All Star & Tété - Can't Get You Out Of My Head - Acoustic "Love" Sessions
Think Zik ! All Star & China Moses - Are You Gonna Be My Girl - Acoustic "Love" Sessions
The Devonns - Blood Red Blues (Protest Song) - Blood Red Blues (Protest Song) - Single
Nicolas Repac - In the Land of Your Soul - Rhapsodic