One World
Think Zik!
56 min
D'Michelle David staamt aus North Carolina, si ass mam Gospel an der Kierch grouss ginn an huet dëst Ierwe mat an de Rhythm n' Blues integréiert. Zesumme mat The True Tones hirer Band huet si elo hire fënneften Album "Truth & Soul" verëffentlecht.
The Bongo Hop ass de rezenten afrokaribesche Projet vum franséischen Trompettist Eienne Sevet. "La Napa" ass déi nei Publikatioun iwwerschriwwen, e mini-Album mat aacht Titelen, op deem mir déi angolanesch Legend Paulo Flores héieren a vill aner Gaascht-Inviteeen, déi derbäi sinn.
Ënnerwee an d'Zukunft mat hirem afrikaneschen Ierwen ass d'Djely Tapa, Duechter vum mythesche Griot an Dänzer Djely Bouya Diarra an der Kandia Kouyaté.
Den Album Acoustic "Love" Sessions ass den éischte Volume vun enger neier Kollektioun, déi de Label Think Zik! sech ausgeduecht huet. Hei héiere mir d'Thematik vun der Léift, déi sech a 14 Lidder deklinéiert. Bekannten an och manner bekannten Artisten héiere mir hei an der origineller Interpretatioun vu bekannte Love-Songs.
Eng aner spannend Decouverte ass d'Jazz-Diva Jacqui Dankworth zesumme mam Brodsky Quartet an der Interpretatioun vun der Björk hirem "Play Dead". D'Sängerin an den Orchester fusionéiere Kammer-Musek, Jazz, Pop a Folk mat vill Delikatess um Album "Rocking Horse Road" Disk, dee fir den 28. Januar ugekënnegt gëtt.
De Joseph Schiano di Lombo flüstert an d'Ouere vun de Mënschen. Hien huet elo dem Michel Legrand säin Theema vun der "Chanson des Jumelles" re-interpretéiert fir de Piano mat véier Hänn. A wéi eng eng Interpretatioun!
Den engleschen Jazz-Museker, Saxofonist, spoken word Poet, Komponist an Aktivist Alabaster DePlume huet op sengem neien Album "Gold" eng Musek agespillt, déi grad esou mysteriéis ass wéi d'Alchimie u sech, dës Léier vun de Substanzen hiren Eegenschaften an hire Reaktiounen. Hei entdecke mir den neien Extrait "The World is Mine".
Playlist:
Michelle David & The True-Tones - Sahara - Truth & Soul
The Bongo Hop - La Napa (feat. Nidia Góngora) - La Napa
Somi - House of the Rising Sun - Zenzile: The Reimagination of Miriam Makeba
Djely Tapa - Barokan - Barokan (Deluxe Edition)
Vieux Farka Touré - Les Racines - Les Racines
Think Zik ! All Star & Anwar - ...Baby One More Time - Acoustic "Love" Sessions
Think Zik ! All Star & Ben l'Oncle Soul - River - Acoustic "Love" Sessions
Think Zik ! All Star & Imany - Bust Your Windows - Acoustic "Love" Sessions
Jacqui Dankworth & Brodsky Quartet - Play Dead (Arr. for Voice & String Quartet) - Rocking Horse Road
Joseph Schiano di Lombo - Chanson des jumelles (from Les demoiselles de Rochefort / The Young Girls of Rochefort) - Legrand
Alabaster Deplume - Who Is a Fool - Gold
Alabaster Deplume - The World Is Mine - Gold
Schvédranne & Jack Hirschman - The Endless Threshold Arcane (feat. Robert Spline) - Vanity Vanity All Is Vanity