De Paräiser Kollektiv Cotonete huet en neien Album “Victoire de la Musique”. Mir entdecken d’Jazz/Funk-Aventurë vum Kollektiv an hire Gaaschtinvitéen.
Déi excellent Lagos Thugs ass eng zu Lagos baséiert Band mat 15 jonken talentéierte Museker. Obwuel hir Musek d’Architektur an d’Sprooch vum Afrobeat erëmgëtt, héiere mir hei och Jazz Elementer, Dub souwéi traditionellen Drumming aus Kuba a Westafrika.
D’Fransousin Marion Rampal huet e ganz eegene Stil, si ass vum Jazz beaflosst, schafft och gäre mat anere Museker zesummen, dorënner de Piers Faccini, e Weltenbummler, dee reegelméisseg mat afrikaneschen Artiste collaboréiert.
D’Laura Misch, déi zu London baséiert Artistin a Produzentin hat am Oktober hiren Debut Album “Sample the Sky” verëffentlecht, eng Decouverte!
Och eng Decouverte ass d’Cerys Hafana, eng Multiinstrumentalistin, déi der traditioneller keltescher Musek en neien an unique Klang verpasst mat hirer Harf, Archivmaterial an elektronesche Prozesser. Eng richteg cool keltesch Connection.
Den englesch-amerikaneschen Trio Gabriels hat mat hirer “Bloodline EP” jiddwereen ëmgehaen: wat e grandiose Sound, eng fein Orchestratioun an ausgefeilten Arrangementer vum Ari Balouzian a Ryan Hope, déi di ëmwerfend Stëmm vum Jacob Lusk begleeden!
Dës Kéier entdecke mir och d’Australier vun Dope Lemon. Dat ass e Säite-Projet vum Angus Stone. Mir lauschteren an deen neien Album “Kimosabè” eran.
Playlist:
1. Leron Thomas & Cotonete - Day In Day Out - Day In Day Out
2. Cotonete & Omar - What Did You Run For? - What Did You Run For?
3. Lagos Thugs - Innocent Blood (Let It Be Known) - Straight from the Decks, Vol. 3 (Guts Finest Selection from His Famous DJ Sets)
4. Marion Rampal - Où sont passées les roses (feat. Piers Faccini) - Tissé
5. Cerys Hafana - Tragwyddoldeb - Edyf
6. Laura Misch - Widening Circles - Sample the Sky
7. Erik Truffaz - Lonesome Cowboy (feat. Stone Jack Jones) - Clap!
8. Fran Vasilić - Hypotheticals - Hypotheticals
9. Gabriels - Stranger - Bloodline
10. DOPE LEMON - Miami Baby - Kimosabè