Nightmares On Wax gouf 1988 vum George Evelyn a Kevin Harper gegrënnt. Si gëllen als onëmgänglech Vertrieder vum DownBeat-Genre. Béid Museker hunn hir Wuerzelen an den Hip-Hip-Projete vun den 80er, wou si als Dj a Remixer geschafft hunn. "Shout Out! To Freedom..." ass hire leschten Album, bei deem si mat néng Artisten zesummegeschafft hunn, dorënner Beautiful People, Shabaka Hutchings an Haile Supreme.
Déi englesch Specials hu sech zanter hirer Grënnung Enn de 70er fir d'Mënscherechter agesat, denke mer u Lidder wéi "Rat Race", "Stereotypes" oder "Ghost Town" mat sozial-politeschen Inhalter, Ausenanersetzunge mam Rassismus, polizeilech Belästegung oder Massen-Aarbechtslosegkeet. Op hirem Album "Protest Songs 1924-2012" covert d'Band aneren Artisten hir Protest Songs, dorënner de Staple Singers hire "Freedom Highway" aus dem Joer 1965, dem Big Bill Broonzy säi "Black, Brown, White" aus dem Joer 1938 oder och den Talking Heads hire "Listening Wind" vun 1980.
"Siffler sur la colline" ass d'Geschicht vun enger Schéiferin an engem ofgewisene Liibhaber, deen um Bierg ronderëm iert, e Bouquet wëll Rousen am Grapp. D'Gisèle Pape proposéiert eng minimalistesch Versioun vum Joe Dassin sengem Klassiker an ënnersträicht d'Absurditéit vun dëser naiver a komescher Situatioun.
Ee vun de spannende Geschichten-Erzieler aus eiser Zäit ass deen zu Seattle baséierten Damien Jurado. Hie gëtt op ville Plazen treffend als e grousse Minimalist beschriwwe mat enger konstant roueger Musek, an där allerdéngs beweegte Schicksaler agepaakt sinn. "Reggae Film Star" koum de leschte Juni eraus, et ass e Konzept-Album, dee sech mat Gemidder, Häerzer a Séile beschäftegt, déi midd sinn: traureg Schauspiller, Kamera-Männer an aner Leit, déi am Film schaffen.
Neue Grafik ass e Fransous, deen zu London lieft. Mat sengem Ensembel bréngt de Pianist frësche Wand an den Jazz. Neue Grafik huet am Kader vun den Jam Sessions am Total Refreshment Centre zu London op sech opmierksam gemaach. Do huet hien dann och seng zukünfteg Museker-Kolleege begéint an den Neue Grafik Ensembel war gebuer.
Playlist:
Bantu Clan vs. Sarabi - Africa Ni Leo (Esa & Nonku Phiri Kaap Mix) - Future Sounds of Jazz Vol. 15
Nightmares On Wax - Up To Us (feat. Haile Supreme) - Shout Out! To Freedom...
Ben Harper - Where Did We Go Wrong - Bloodline Maintenance
North Mississippi Allstars - Outside (Featuring Lamar Williams Jr.) - Set Sail
The Grease Traps - More and More (And More) - Solid Ground
The Rebels of Tijuana - Brazil 70 - Brazil 70 / EP
The Specials - Listening Wind - Protest Songs 1924 - 2012
Gisèle Pape - Siffler sur la colline - Siffler sur la colline / Single
Damien Jurado - Meeting Eddie Smith - Reggae Film Star
Erik Aliana - Respects - Ancestors
Cuarteto Tafi - Entre Dos Valles - Amanecer
Neue Grafik Ensemble - Breath (feat. JJ Akinlade) - Foulden Road Part II
Oan Kim & the Dirty Jazz - Whispers - Oan Kim