One World

Den Immy Owusu ass e Museker, dee mat zwou Kulture grouss gouf, op där enger Säit mat der australescher, op där anerer mat der westafrikanescher Kultur vu sengen Originnen aus dem Ghana. Seng Musek ass e Melting Pot, deen am Lockdown 20/21 entstanen ass, wéi hie sech mat sengem Camper an de Busch zeréckgezunn hat.

Virun zéng Joer gouf et e Militärputsch am Mali an dorënner leit d'Land nach haut. D'Verfassung gouf ausser Kraaft gesat, an de Flughafen vu Bamako zougemaach. Et ass also keen Zoufall, datt déi fënnef Museker - déi dat selwecht Joer zesummekoumen - sech BKO genannt hunn, nom Code vum Flughafen an der Haaptstad vum Mali. Entretemps si BKO bei hirem fënneften Album "Djine Bora" ukomm a spille mat hirer wëller, hypnotescher Musek géint de Chaos am Land.

Shotnez si Museker vun Tel-Aviv, déi sech op en Neits zesummegedinn hunn, fir eng Jazz-Jam, déi inspiréiert ass un der kubanescher Musek aus de 50er, dem Surf-Rock, Ethio-Jazz, Hip-Hop an och vun den traditionelle Museke vun der orientalescher Säit aus dem Mëttelmierraum. Si hunn eng improviséiert Jam wärend dem Lockdown organiséiert an néng Titelen opgeholl, déi deemnächst um Album "Dose a Nova" ze héiere sinn. Den Disk gëtt fir de 14. Oktober ugekënnegt. Hei héiere mir schonn e klenge Virgeschmaach dorausser.

"Oceanic Feeling" heescht deen neien Album vum japanesche Komponist a Pianist Koki Nakano. Den Album gouf bei der Kompositioun inspiréiert vun engem Zitat aus engem Bréif vum franséische Schrëftsteller a Musek-Kritiker Romain Rolland (1866-1944) un den éisträicheschen Dokter a Kulturtheoretiker Sigmund Freud.

D'Misia Sert, gebuere Godebska, war wärend der éischter Hallschecht vum 20. Joerhonnert d'Muse, d'Frëndin an d'Mäzenin vu ville bekannte Kënschtler zu Paräis. Revue Blanche ass e belsch-flamänneschen Ensembel, dee sech no der artistescher Revue mam selwechte Numm benannt huet. Dës gouf Enn vum 19. Joerhonnert vu Politiker a renomméierten Artisten editéiert. Fir hir zéng Joer ze feieren huet de Grupp elo dee schéinen Album "Misia" verëffentlecht, diminutiv vun der Maria Godebska, Numm vun dëser Kinnigin vun der Belle Epoque.

Ensemble, esou nenne sech véier Museker aus Italien, déi fir de CD "Moti Shkon" zesummekoumen. "Moti Shkon" bedeit "d'Zäit fléisst" an der Sprooch vun den Arbëresh. D'Arbëresh sinn eng al albanesch Minoritéit a Mëttel- a Süditalien. 1999 gouf dës historesch Sproochminoritéit per Gesetz geschützt. De Gittarist Livio Andrònico huet d'Musek geschriwwen a säi Frënd a Sänger Francesco Mazza den Text.

Playlist:

1. Immy Owusu - Brown Supremacy - Brown Supremacy - Single
2. BKO - Bamako - Djine Bora
3. Thee Sacred Souls - Weak for Your Love - Thee Sacred Souls
4. Shotnez - Last Straw - Dose a Nova
5. Gabriiel - Please - Treasure in the garden
6. Koki Nakano - External Cephalic Version - Oceanic Feeling
7. Leyla McCalla - Ekzile - Breaking the Thermometer
8. Etienne de la Sayette & Wild Horses Orchestra - Nave Nave Moe - Nave Nave Moe - Single
9. Vieux Farka Touré - Be Together - Les Racines
10. Misia - Six Poèmes de Paul Éluard: Je te l'ai dit - Revue Blanche
11. Blundetto - Old Guard In A Yard - Cousin Zaka Vol. 2
12. Ensemble - Fjoi - Moti Shkon
13. Ozan Tekin - Irresistible Call of a Swift - Anarya
14. Monophonics & Kelly Finnigan - Sage Motel- Sage Motel
15. Boulevards - Better off Dead (feat. Nikki Lane) - Electric Cowboy: Born in Carolina Mud

Episoden