One World
Soft and Hard
60 min
De Ben Harper verschafft op sengem neien Album "Bloodline Maintenance" d'Bezéiung zu sengem Papp. Den Disk ass eng Uklo, datt an Amerika nach ëmmer wäiss a schwaarz Mënschen net gläichgestallt sinn.
De Brudder vum legendären Nat King Cole, de Freddy Cole, kënnt zu Wuert mam Titel "Brother, Where Are You? Extrait aus "The Cole Everybody Knows / The Best Year of My Life".
Déi ex-Hallschecht vum Grupp Air, de visionäre Komponist, iwwregens och Physik-Proff JB Dunckel seet, datt hie fir säin neien Album vum Element Kuelestoff beaflosst gouf. Esou ass dem Jean-Benoot säin neien Album logescherweis "Carbon" iwwerschriwwen. 20 Joer laang war hien d'Hallschecht vum Grupp Air ... op "Carbon" analyséiert de Museker a Physiker de vitalen an universelle Rapport tëschent dem Kuelestoff an dem Mënsch ...
"Moonlit Parade" ass de sechsten Album vum bei eis nach relativ onbekannte brittesche Songpoet Jono McCleery. Den Album ass licht melancholesch, et geet ë. a ëm ongezwonge Fräiheet, d'Eleng-Sinn an der Nuecht an ëm Fernweh ...
Déi tierkesch Sängerin a Multiinstrumentalistin Derya Yildirim huet eis séier ëm de Fanger gewéckelt mat hirer schéiner Stëmm. Begleet gëtt si vum Grupp Şimşek an enger hypnotescher anatolescher Pop, dat Ganzt ergëtt eng Mëschung vun tierkeschem Folk a psychedelesche Grooven.
Lalalar ass en Trio, deen zu Istanbul baséiert ass, an dee mat "Bi Cinnete Bakar" säin Debut verëffentlecht huet: e Rock-Album mat engem interessanten Zesummespill tëschent den Instrumenter, si wëssen, wéi een Tensioun opbaut, gläichzäiteg elegant an effektiv.
Hercules & Lover Affair sinn op en neits zesumme mam ANOHNI. No enger Rupture a längerer Paus sinn déi zwee Artist:innen um neien Album "In Amber" nees vereent.
"Sky Dust Drifter " ass eng Anthologie, déi aus der Isolatioun an aus déiwer Introspektioun eraus entstane ass. Eng Zort Soundtrack mat engem lonesome Cowboy, e Retter vum Lockdown. "Sky Dust Drifter" gedeit an der Einsamkeet, an engem Universum, wou d'Eleng-Sinn net als Däischter empfonnt gëtt, mee als opflamend Liicht vun der Autonomie.
Playlist:
1. Ben Harper - We Need To Talk About It - Bloodline Maintenance
2. Ben Harper - Problem Child - Bloodline Maintenance
3. Freddy Cole - Brother, Where Are You? (feat. Buddy Cooner, Ed Edwards & Paul Avery) - The Cole Everybody Knows / The Best Year of My Life
4. JB Dunckel -Sex Ufo - Carbon
5. Jack White - If I Die Tomorrow - Entering Heaven Alive
6. Jono McCleery - From a Place -Moonlit Parade
7. Derya Yildirim & Grup Simsek - Bal - Dost 2
8. Kibrom Birhane - Digis - Here and There
9. Lalalar - Kilavuz Karga - Bi Cinnete Bakar
10. Hercules & Love Affair & ANOHNI - Poisonous Storytelling - In Amber
11. The Smile - The Opposite - A Light for Attracting Attention
12. Sunburst - Special Lady - Sky Dust Drifter/Various Artists
13. Ron Eliran - Sky Dust Drifter - Sky Dust Drifter