One World

Déi franséisch-algeeresch Sängerin Souad Massi kënnegt en neien Album fir d'Rentrée un: "Sequana". Wann der Souad Massi hir Musek bis ewell vum Folk a vum Chaabi getéint war, esou si bei "Sequana" méi Influenzen ze héieren: aus der Sahel-Zon, iwwer d'Kläng aus der Karibik a Brasilien bis zum Rock bei vereenzelte Stécker. En Disk, fir deen d'Sängerin sech gutt ëmginn huet mam Justin Adams an der Produktioun an e puer onëmgänglech Gaaschtinvitéen, déi mat derbäi sinn, wéi e Piers Faccini oder Naïssam Jalal. "Sequana" ass fir déi éischt Woch Oktober ugekënnegt.

Eng ganz eegen alternativ südamerikanesch Musek proposéiere Yodi. Hei héiere mir "Ese lugar", eng spannend live-Versioun vun dësem Joer.

No Metallica a Kamasi Washington revisitéiert den akustesche Gittar-Duo Rodrigo y Gabriela de Repertoire vu Radiohead. Mir lauschteren dës erstaunlech Metamorphos vu Radiohead hirem "Weird Fishes/Arpeggi", opgeholl an hirem Studio a Mexiko, éier déi zwee Globetrotter-Museker nees ënnerwee sinn, och fir e puer Concerten a Frankräich.

No méi wéi zwee Joerzéngten huet Groundation elo hiren zéngte Studio-Album verëffentlecht: "One Rock". Dorausser héiert Dir hei en éischte Virgeschmaach.

Déi hollännesch Harfenistin Lavinia Meijer huet zesumme mam Iggy Pop "Mom & Dad" agespillt, en häerzlechen Hommage vum Sänger u seng Elteren.

En Artist, iwwer deen een nach den Net duerchscrolle muss, fir e puer Infoen ze fannen, ass den Nefiu, dee seng EP "Chronicles of a Man's Solace" viru Kuerzem verëffentlecht huet. Artiste à découvrir ...

Bei den Opname vun engem Album bleift meeschtens Material iwwereg. Esou z. B. e Lidd vum Piers Faccini, dat nodréiglech als Single verëffentlecht gouf: "The Damned and the Saved", Extrait aus den Opnam-Sessions vum Piers Faccini sengem leschten Album "Shapes of the Fall".

Playlist:

1. Souad Massi - Dessine-moi Un Pays - Sequana

2. Yodi - Ese lugar - Ese lugar (Live) Single

3. Rodrigo y Gabriela - Weird Fishes/ Arpeggi - Weird Fishes & Symphony No. 25 In G Minor

4. Rodrigo y Gabriela - The Struggle Within - The Struggle Within/Single

5. Michel Godard & Gavino Murgia - Ambre - Deep

6. Lavinia Meijer & Iggy Pop - Mom & Dad - Are You Still Somewhere?

7. Groundation - Market Price - One Rock

8. Nefiu - Terminal - Chronicles of a Man's Solace - EP

9. Rémy Gauche - Lune/nunca solo - Lune/nunca solo /Single

10. Ian Lasserre - Mar Mirante - Sonoridade Pólvora

11. Piers Faccini - The Damned and the Saved - The Damned and the Saved/Single

12. Lance Ferguson - Glastonbury - Rare Groove Spectrum, Vol. 2

13. Fixi & Nicolas Giraud - Oto (feat. Maïa Barouh) - TEMPO TEMPO! (A Tony Allen Celebration)

14. Yvan Robilliard - Double jeu - Homemade

Episoden