De brasilianesche Multiinstrumentalist Tim Bernardes, dee mat bekannte Leit wéi engem David Byrne, Gal Costa, de Fleet Foxes oder Tom Zé geschafft huet, huet den Album "Mil Coisas Invisíveis" verëffentlecht, eng richteg Pärel, déi dem Artist säin delikate Songwriting, säi gutt Ouer fir Melodie a Produktioun erklénge léist. Net ze vergiesse seng schéi Stëmm.
D'Carly Blackman ass eng aner Decouverte mat hirem neien Album "Journey to the End of the Waves", e schéinen, authenteschen Disk, wou d'Singer-Songwriterin eis op hir Rees bis zum Enn vun de Welle mathëlt. Mir sinn a gudder Gesellschaft an dat duerch déi 14 Titele vum Album erduerch.
Den Trio GA-20 vu Boston kënnegt elo - an no sengem Hommage un de Blues Mann Hound Dog Taylor - en neien Album un: en elektresche Blues gespillt mat enger punkeger Energie, den neie "Crackdown" gëtt fir den 9. September ugekënnegt.
The Rebels of Tijuana si Fransousen, déi e psychedelesch ugehauchte Pop spille mat Referenzen u vergaangen Zäiten: herrlech erfrëschend an nostalgesch!
De Rogér Fakhr aus dem Libanon huet d'Lidder vum Album "Fine Anyway" an den Enn 70er zu Beirut agespillt, vereenzelter och zu Paräis wärend sengem kuerzem Exil, och hei Nostalgie puer.
Den Immy Owusu mat senger neier Single "Brown Supremacy" léist en interessante Sound Mischmasch erklénge mat villen Influenzen.
The Inspector Cluzo ass en Duo mam Batteur Mathieu 'Phil' Jourdain an de Sänger a Gittarist Laurent 'Malcom' Lacrouts. E Bassist gëtt et bei hinnen net, a wat een esou an der Press liese kann, insistéieren déi zwee och op de Fait, datt se kee brauchen. Wéi och ëmmer, dem Klang feelt op jiddwer Fall näischt!
D'New Yorker Jennifer Charles an Oren Bloedow vun Elysian Fields kënnegen en 13. Album un, deen inspiréiert ass um Impakt vun der Pandemie op eist Liewen. En éischten Titel ass elo schonn disponibel.
Playlist:
Tim Bernardes - Meus 26 - Mil Coisas Invisíveis
Tim Bernardes - Beleza Eterna - Mil Coisas Invisíveis
Sessa - Canção da Cura - Acesa Estrela
Carly Blackman - What's a Girl to Do - Journey to the End of the Waves
GA-20 - Easy On the Eyes - Crackdown
The Black Keys - Good Love (feat. Billy F Gibbons) - Dropout Boogie
The Rebels of Tijuana - Brazil 70 - Brazil 70 EP
The Rebels of Tijuana - Leipzig - Brazil 70 - EP
Immy Owusu - Brown Supremacy - Brown Supremacy - Single
Rogér Fakhr - Everything You Want - Fine Anyway (Habibi Funk 016)
The Inspector Cluzo- Little Girl & The Whistlin Train - Brothers In Ideals - We The People Of The Soil - Unplugged
Elysian Fields - We'll Get There Yet
Nina Simone - Sinnerman - Pastel Blues