Radioen

On air

Owesconcert  |  D'Sopranistin Golda Schultz séngt Mozartarien

play_arrow Live
arrow_back_ios

One World

100komma7.lu / One World

/ Breaking the Thermometer

Breaking the Thermometer

headphones

60 min

Lauschteren play_arrow

Den Etienne Sevet a säi Projet The Bongo Hop huet fënnef nei Lidder verëffentlecht, derbäi ass d'Nidia Gongora, den angolaneschen Semba-Meeschter Paulo Flores an déi algeeresch Sängerin Souad Asla.

E weideren Track, deen zu der Playlist vum Summer passt, ass déi nei Single "Yemamaya" vum franséisch-brasilianeschen Duo Luiz Gabriel Lopes & iZem. D'Single kënnegt och en éischten Album fir d'Rentrée un. De Luiz Gabriel Lopes huet fir vill brasilianesch Artisten d'Gittar gespillt an och Musek produzéiert, notamment fir Artisten aus den indigene Communautéite vum Amazonas. Iwwer 10.000 km vun do ewech kultivéiert de Fransous iZem säi Groove mat Inspiratiounen aus allen Ecke vum Planéit.

Op Basis vum Theema vun der Kinnigin vu Saba retracéieren d'Angélique Kidjo an den Ibrahim Maalouf d'Renconter mam Kinnek Salomon, dee bekannt war fir seng Wäisheet. D'Kinnigi vu Saba wollt dës iwwerpréiwen, andeems si him siwe Rätsel ze léise ginn huet. Dës Rätsel ginn hei vun den zwee Artiste musikalesch ëmgesat.

Den amerikanesche Country-Blues Museker Charlie Musselwhite huet en neien Album "Mississippi Son". Hei héiere mir eege Kompositiounen an Interpretatioune vun aneren Artisten. En excellenten Album, hallef akustesch a spuersam instrumentéiert, deen d'Essenz vum Blues erëmgëtt an d'Déift vum Musselwhite senger Stëmm.

De Blues gëtt och revisitéiert um Album "Black Box" vum franséische Gittarist, Komponist, Arrangeur a Produzent Nicolas Repac. De Repac ass e subtille Meeschter vum Sampling an de fräien Associatiounen a léist eis a säi groussen zäitgenësseschen Metissage andauchen. "Black Box" hëlt eis mat un d'Sourcë vum Blues.

Och den Damien Jurado presentéiert säi neien Album "Reggae Film Star". Den amerikanesche Singer-Songwriter vu Seattle léist bei dësem neien an 18. Disk duuss, akustesch a villschichteg Texturen erkléngen.

"Breaking the Thermometer" ass deen neien an onëmgänglechen Album vun der Leyla McCalla. Hir Eltere waren Aktivisten, déi virum Duvalier-Regimem op New-York geflücht sinn. Zanter ville Joren fuerscht d'Leyla no hirem kulturellen, haitianeschen Ierwen. 2019 ass d'Duke University u si erugetruede mat engem Projet. D'Uni hat den Toun-Archiv vu Radio Haiti iwwerholl, dës Radios-Statioun, déi als éischt, onofhängege Medium an de Jore vun der Diktatur iwwer d'Situatioun am Land beriicht huet. Wichteg ass, datt de Radio op kreolesch gesent huet, der Sprooch vum Vollek! D'Uni wollt d'Jore vun der Diktatur an der uschléissender Revolutioun, d'Roll vu Radio Haiti an hire Grënner Jean Dominique an Michèle Montas, an engem multidisziplinäre Büne-Projet opschaffen. Dorausser huet sech "Breaking the Thermometer to Hide the Fever" entwéckelt. Den Album "Breaking the Thermometer" vun der Leyla McCalla ass en zweet Resultat vun dëser Initiativ. Fir den Theater-Projet hat si de Radio-Archiv duerchwullt an hat vill Material fir domadder Lidder zesummenzestellen. "Breaking the Thermometer" vun der Leyla McCalla, en Disk, wou et generell ëm Ënnerdréckung, ëm Demokratie an Exil, awer och ëm Léift geet, Léift, déi et schlussendlech méiglech mécht all Schwieregkeeten ze iwwerstoen.

Op "Hymne Au Soleil" presentéiert de Multiinstrumentalist a Komponist Laurent Bardainne zesumme mat senger Band Tigre d'Eau Douce e smoothen Jazz mat Aflëss aus Soul, Funk, Worldbeat a rare Groove.

Playlist:


The Bongo Hop - La Napa (feat. Nidia Góngora) - La Napa
Luiz Gabriel Lopes & iZem - Yemamaya - Yemamaya - Single
Ibrahim Maalouf & Angelique Kidjo - Ife - Queen of Sheba
Charlie Musselwhite - Pea Vine Blues - Mississippi Son
Nicolas Repac - Redemption Blues (I Know His Blood Can Make Me Whole) - Black Box
Nicolas Repac - La fuerza del sentimiento - Black Box
Kraked Unit - Lucky Charm (Album Mix) [feat. Piers Faccini] - Ce qui nous lie (Bande originale du film)
Damien Jurado - Meeting Eddie Smith - Reggae Film Star
Marissa Nadler - Drive - July
Leyla McCalla - Fort Dimanche - Breaking the Thermometer
Laurent Bardainne & Tigre d'Eau Douce - Combly Family- Hymne au soleil
Sly & The Family Stone - If You Want Me to Stay - Fresh
Sly & The Family Stone - In Time - Fresh

Musek

Episoden

Together

Op der Spuer vun engem Artist a Weltenbummler, en Italieener, deen Jamaika zu senger Walheemecht gemach huet an e puer interessant Kollaboratiounen
headphones

58 min

play_arrow

Tribal Beats

Vill Rhythmus a ganz present Drums bei One World haut, en a seng Eenzeldeeler zerluechte Flamenco an e Retour en Force vun enger Band aus Zambia.
headphones

61 min

play_arrow

The New Tradition

Spannend Kollaboratiounen tëschent Museker aus verschiddene Kulturen, eng Stëmm voll Kraaft vum zäitgenëssesche britteschen R&B an e Retour a vergaangen Zäiten.
headphones

55 min

play_arrow

On The Road I

Sonneg Latino Kläng, déi d’Wolleke verdreiwen, Singer-Songwriting, dee Geschicht geschriwwen huet, a Musek fir ze dreemen oder ze chillen.
headphones

56 min

play_arrow

sunny side up

Musek fir ze chillen, Rhythmen aus dem waarme Süden, walisesch Traditiounen nei interpretéiert an eng virtuos Zitar
headphones

56 min

play_arrow

Desert Blues

Ishumar Musek, déi op Lëtzebuerg kennt, eng Decouverte aus Pakistan, alternative Folk aus Wales …
headphones

61 min

play_arrow

Man in Black

E Virgeschmaach op nei Disken di sech ukënnegen dorënner e posthumen Album vum Johnny Cash. Singer-Songwriting, Soul, Psychedelia a Musek fir ze chillen…
headphones

56 min

play_arrow

Back To Black

Nei-Verëffentlechungen, e Retour an d’70er, an eng Film-Musek di beréiert.
headphones

61 min

play_arrow

Hymne au soleil

Artiste mat engem ganz eegenen Universum, engagéiert Museker fir d’Mënscherechter an d’Natur an e bësse psychedeelesche Feeling ass derbäi, notamment aus Australien.
headphones

56 min

play_arrow

La Rata Bluesera

Blues aus Chile, Spaghetti-Western Feeling an e klenge Retour an d’80er
headphones

56 min

play_arrow

Métissage

Och d’Emissioun dës Kéier verdäitlecht nees, wéi räich den Austausch tëschent de Kulturen an der Musek ass.
headphones

55 min

play_arrow

Fréijoer 2024

Reggae Feeling, e Meeschterwierk, dat net Vergiessenheet gerode soll an en neien Album mat 60es Feeling
headphones

56 min

play_arrow

It Must Change

Musek aus der Sahel-Zon, déi op d’Onofhängegkeetsbestriewunge vun den Touareg opmierksam mécht, eng nei Stëmm am Beräich vun der Soul an e puer cool Lidder
headphones

61 min

play_arrow

Beats and Songwriting

E bësse Punk aus de 70er, Blues, R&B a Roots Musek …a schéi Stëmmen
headphones

56 min

play_arrow

Sparkles

Irresistibel Kläng aus Brasilien, sprëtzeg Metissagen an Traditiounen zäitgenëssesch interpretéier
headphones

57 min

play_arrow

in the mood of…

Hafestied an hir Influenz op d’Musek, e Retour bei den ‘Trip Hop’ aus den Ugangs 90er, e jonkt Nowuess Talent an e längeren Openthalt an der Belsch.
headphones

55 min

play_arrow

Together

Grenzen existéieren an der Musek kaum nach, de weltwäiten Austausch an di géigesäiteg Beräicherung di an eiser ‘globaler Zäit’ méiglech ass brénge spannend an inspiréiert Kläng ervir...
headphones

56 min

play_arrow

The Soul of the Blues

De Blues ass e Styl deen ëmmer wëllkomm ass. Haut kennt en aus Kanada, Amerika an aus Mali
headphones

56 min

play_arrow

Métissages

Den afrikaneschen, australeschen an den europäesche Kontinent treffen dës Kéier zesummen. D’Influenze weisen ëmmer erëm dorops hin, datt d’Musek an d’Kreativitéit keng Beréierungsängschten a keng Virurteeler kennt.
headphones

56 min

play_arrow

Surprises

Singer-Songwriter, déi beréieren, politesch engagéierte Spoken Word, eng Pärel aus de 70er, Kammermusek a schéi Stëmmen, an e Mann, dee sech Coyote nennt ...
headphones

56 min

play_arrow