One World
Anthropos
60 min
D'Songwriterin an Theater-Autorin Somi huet viru Kuerzem "Zenzile: The Reimagination of Miriam Makeba" verëffentlecht. En Album zu Éiere vun der "Mama Africa", wéi d'Miriam Makeba och genannt gouf.
Anthropos ass en alt griichescht Wuert fir Mënsch. Dëst ass och d'Iwwerschrëft vum Musek- an Theater-Duo Kinbom & Kessner hirem neien Album. Bei "Anthropos" beschäftege si sech mam Anthropozän a mat der mënschlecher Natur. De Begrëff Anthropozän bezeechent en Zäitalter, an deem et d'Mënschheet ass, déi en dominanten geophysikaleschen Afloss op eisen Äerdsystem huet. An domadder hunn och mir Mënschen d'Verantwortung iwwer d'Zukunft vun eisem Planéit. E pertinenten Inhalt an d'Klangwelte kommen aus der däitschsproocheger Liedsammlung ganz an der Traditioun vun engem Brecht a Weil.
Ëm d'Verantwortung an ëm de Rapport vum Mënsch zu der Äerd geet et och am Erik Aliana sengem Album "Ancestors". Mat dësem Disk erënnert hien u seng Virfaren, un hire Rapport mat der Natur, der Gesellschaft an der Spiritualitéit.
De Sergio Sayeg (aka Sessa) mécht mat sengem Album "Estrela Acesa" en Hommage un d'Bedeitung vun der Musek, en Disk, deen eng Zort Bréck schléit tëschent der weltlecher an der spiritueller Existenz.
Déi amerikanesch Soul-Pop Singer-Songwriterin Kendra Morris huet viru Kuerzem hiren neien Album "Nine Lives" verëffentlecht. Déi néng Liewe vun der Kaz sinn hei eng Metapher, op déi d'Artistin sech baséiert.
Playlist:
Somi - House of the Rising Sun - Zenzile: The Reimagination of Miriam Makeba
Somi - Pata Pata - Zenzile: The Reimagination of Miriam Makeba
Ibrahima Cissokho & Mandingue Foly - Ware - Liberté Mom Sa Bop
Kinbom & Kessner - Exodus - Anthropos
Kinbom & Kessner - Alexandria - Anthropos
Kinbom & Kessner - Pompeji - Anthropos
Fai Baba - Veränderet - Veränderet
Erik Aliana - Respects - Ancestors
Cuarteto Tafi & Leïla Martial - Yo Soy el Indigo (feat. Deep Kelins) - Amanecer
Sessa - Canção da Cura - Estrela Acesa
Kendra Morris Nine - Who We Are - 9 Lives
Myles Sanko - Where Do We Stand - Memories of Love
True Loves - Sunday Afternoon - Sunday Afternoon