D'Diva vum "Wassoulou" Oumou Sangaré hellt zanter hirem Debut "Moussolou" 1989 d'Rhythmen aus hirer Regioun an Éieren. Haut ass si mat "Timbuktu" bei hirem 12. Album ukomm.
E knappt Joer no hirem leschten Album "Delta Kream" kënnegen d'Black Keys hiren neien Album "Dropout Boogie" un. Eng éischt Single ass elo schonn disponibel.
Erotic Market ass d'Formatioun ronderëm d'Komponistin an d'Vokalistin Marine Pelligrini, den Album "Boredoms & Heartstrings" Vol 2. soll Enn Mee erauskommen.
Hanner Toro y Moi stécht de kreative Kapp vum Chaz Bear. Den Album "Mahal" ass eng villverspriechend Rees duerch verschidden Aflëss an Epochen.
Ganz an der Ligne vun de groussen Grioten aus dem Senegal an aus dem Mali héiere mir den Ibrahima Cissokho, e jonke Meeschter op der Kora, dee mat senger Band Mandingue Foly d'Traditioune mat der Energie vum Rock a Funk verbënnt.
Spannend ass de véierten an neien Album "Warm Chris" vun der Aldous Harding. Si ass ni do, wou ee si erwaarde géif. "Warm Chris" hält eis a Beweegung.
Déi franséisch Singer-Songwriterin Marion Rampal presentéiert op hirem neien Album "Tissé" eelef Lidder, déi si selwer geschriwwen huet. Si huet sech allerdéngs gutt ëmginn, derbäi ass notamment de Gittarist Matthis Pascaud, deen d'Arrangementer gemaach huet an zwee confirméiert Gaaschtinvitéen, den Jazz-Mann Archie Shepp an de Piers Faccini.
De Rhabdomantic Orchestra ass en oppene Kollektiv vun Turin, dee geleet gëtt vum Komponist a Multi-Instrumentalist Manuel Volpe. Hei gi verschidde musikalesch Sprooche mateneen verbonnen: Afrobeat, spirituellen Jazz, Salsa, Influenzen aus dem Mëttelmierraum, an en Touch Psychedelik.
Playlist:
Oumou Sangaré - Wassulu Don - Timbuktu
The Black Keys - Wild Child - Dropout Boogie
Erotic Market - Cinnamon Rolls - Boredoms & Heartstrings
Erotic Market - Should I - Boredoms & Heartstrings
Toro y Moi - The Loop - MAHAL
Arat Kilo, Mamani Keita, Rusan Filiztek & Siar Hashimi - Snow in Addis - Sowal Diabi (From Kaboul to Bamako)
Jasdeep Singh Degun - In Search of Redemption - Anomaly
Ibrahima Cissokho & Mandingue Foly - Ware - Liberté Mom Sa Bop
Aldous Harding - Tick Tock - Warm Chris
Vanessa Wagner - Etude No. 16 - Study of the Invisible
Marion Rampal - Passe-Montagne - Tissé
Rhabdomantic Orchestra - Emblema - Almagre
Minino Garay - Speaking Tango - Minino Garay y los Tambores del Sur