One World
Eng oppe Fënster op d'Welt
56 min
Decouverte vun dëser Woch sinn ë. a. déi explosiv BCUC aus Südafrika. Hire Sound zitt seng Influenzen aus de Racinne vun den anzestralen Ethnien a grad esou aus dem Free-Jazz, der Soul an dem Punk Rock.
De Kollektiv Jazzanova, deen zu Berlin baséiert ass, ass vum Label Strata Records vum Detroit-Label, deen zanter 1974 aktiv ass - invitéiert gi fir verschidden Highlighten aus hirem Katalog nei auszeschaffen, ze re-interpretéieren an nei ze erfannen. "Creative Musicians" ass elo déi éischt Single.
Eng nei Anthologie aus der Serie "Future Sounds of Jazz", de Vol. 15 ass elo do mat aacht exklusive bis ewell nach net verëffentlechten Delikatessen, eng dovunner ass den "Esa Williams Remix" vu Bantu Clan Vs Sarabi hirem "Africa Ni Leo".
Daniel Rossen, en Numm, deen eis vläicht näischt seet, mee et handelt sech hei ëm de Multiinstrumentalist, Sänger a Songwriter, dee véier Diske mat der New Yorker Formatioun Grizzly Bear opgeholl huet. Elo koum säin éischte Solo-Album ënner sengem Numm eraus: "You Belong There".
Déi englesch Specials si bekannt zanter den 80er net nëmme fir hiren irresistibele Bluebeat, mee och fir hiren Asaz géint de Rassismus. De Fall vum George Floyd war den Trigger fir am Lockdown eng Kollektioun vu Lidder zesummenzestellen, "Protest Songs 1924-2012" iwwerschriwwen. Dëst ass eng Kollektioun vu Coveren, déi sech op déi eng oder aner Aart a Weis mat Ëmstänn ausenanersetzen, déi eventuell esou Situatiounen iwwerhaapt méiglech maachen.
De brasilianesche Museker Luiz Murá ass faszinéiert vun der Bossa Nova, dem Jazz, den traditionelle Museken an der Improvisatioun. Säin neien Album "Origem" ass eng oppe Fënster op d'Welt.
De Sänger Rodrigo Cuevas, deen de Folk an déi traditionell Museken aus dem Norde vu Spuenien op eng schonn zimmlech extreem Aart a Weis moderniséiert, ass e richtegen Troublemaker vum traditionelle Genre ...
De brittesche Museker, Produzent an DJ Scrimshire huet eng ausgepräägte Leidenschaft fir d'Soul aus de 70er Joren. Dem Scrimshire säi sechsten an neien Album "Nothing Feels Like Everything" sëtzt sech mat de ville Gefillslagen ausenaner, an déi de Lockdown eis eraforcéiert huet: d'Absence vum physesche Kontakt, d'Absence vun der Léift, vun der Empathie an och d'Absence vu Respekt.
Playlist:
BCUC - Yinde (Short Version) - Our Truth
Jazzanova - Creative Musicians (feat. Sean Haefeli) [Waajeed Remix] - Creative Musicians (Waajeed & Henrik Schwarz Remixes) - EP
Bantu Clan vs. Sarabi - Africa Ni Leo (Esa & Nonku Phiri Kaap Mix) - Future Sounds of Jazz Vol. 15
Daniel Rossen - Shadow in the Frame - You Belong There
Metronomy - Loneliness on the run - Small World
The Dead South - People Are Strange - Easy Listening for Jerks, Pt. 2
LUMP, Laura Marling & Mike Lindsay - Animal - Animal
The Specials - Everybody Knows - Protest Songs 1924 - 2012
Luiz Murá - Até o Sol Raiar - Origem
Rodrigo Cuevas & Raül Refree - Muerte en Motilleja (feat. Adufeiras de Salitre) - Manual de Cortejo
Scrimshire - Heron (feat. Miryam Solomon) - Nothing Feels Like Everything - The Brkn Record - On the Daily (feat. Ugochi Nwaogwugwu) - The Architecture of Oppression, Pt. 1