One World
Séiss Friichten
59 min
Den Touareg Grupp Imarhan kënnegt säin drëtten Album "Aboogi" un, hei entdecke mir nach e weidere vun den dräi Titelen, déi elo scho gedeelt sinn.
De Weltenbummler David Walters erfuerscht mat senger Musek d'Wuerzele vu senger Identitéit: afrikanesch a karibesch Kläng vermësche sech mat R'N'B an nach vill aneren Influenzen, déi seng renomméiert Gaaschtinvitéë matbréngen. Säi leschten Album "Nocturne" ass d'Resultat vum éischte Lockdown. Hien hätt am Fong sollen op Tournée goe mat senger deemoleger Aktualitéit "Soleil Kreyol". Corona huet och him e Stréch duerch d'Rechnung gemaach, 60 Concerten huet hie missen ofsoen. Esou huet de Lockdown awer och séiss Friichten, well schlussendlech huet sech e Supergrupp zesummefonnt, deen ouni d'Ëmstänn vläicht net entstane wier.
Fémina ass en argentinesche Folk-Fusioun Trio, deem säin drëtten Album "Perlas y Conchas" vum Quantic (aka Will Holand) produzéiert gouf, eng nawell interessant Folk, déi trafiquéiert ass.
D'Calypso Rose ass eng Calypso Musekerin vun Trinidad. Si war déi éischt Fra an dësem vu Männer gepräägte Genre.
"Animal" ass den zweeten Album vum britteschen Duo Lump, aus deem mir hei e weideren Extrait entdecken. Eng interessant Stëmm ass déi vun der Madison McFerrin, Duechter vum bekannten Jazz-Vokalist Bobby McFerrin. Den Apel fält net weit vum Stamm.
Eng aner Stëmm déi beréiert ass déi vum Luca Wilding. Säin Album "Book Of Fate" proposéiert eng Kollektioun vu ganz perséinleche Lidder, déi zentréiert si ronderëm dat Positiivt, wat een aus negative Situatiounen erauszéie kann.
Als eng Musek, déi esou kléngt, wéi wann den John Lee Hooker oder d'White Stripes mat enger Gospel Sängerin géifen jammen, esou gëtt de Sound vun der New Yorkerin Michelle David beschriwwen, en erfrëschenden Touch aus engem Genre, deen d'Zäiten duerchreest.
Playlist:
Imarhan - Adar Newlan - Aboogi
Vincent Segal, David Walters, Ballaké Sissoko & Roger Raspail - Mama (Unplugged Version) - Nocturne
loran Velia - Jean-philippe - Seksion Maloya
Fémina - Palpita y Goza - Perlas & Conchas
Calypso Rose - Calypso Queen - Far from Home
Sarah McCoy - Devil's Prospects - Blood Siren
LUMP, Laura Marling & Mike Lindsay - Red Snakes - Animal
Madison McFerrin - No Time To Loose - Brownswood Bubblers Twelve, Pt. 1 (Gilles Peterson Presents)
Luca Wilding - Nobody Game - Book of Fate - EP
Luca Wilding - Book of Fate - Book of Fate - EP
Michelle David & the Gospel Sessions - Where I'm Going - The Gospel Sessions, Vol. 1
Adam Ben Ezra - Can't Stop Running - Can't Stop Running - Single
Raphael Saadiq - Good Man - Stone Rollin'
Samidha Joglekar, Nicki Wells & Ashwin Srinivasan - Longing - Best of Coke Studio