D'MBK Band, e Grupp vu jonke Museker mat Talent, déi den traditionelle mam zäitgenësseschen Ausdrock mateneen verbannen. Den Album "Banconi", dee säin Numm vun engem Quartier vu Bamako hierhuet, ass e villverspriechenden Debut vum Mamadou Bassekou Kouyate, Fils vum Maestro Bassekou Kouyate.
Den ungaresche Komponist Béla Bartók gëtt revisitéiert vu sengem Landsmann, dem Gittarist Csaba Palotai zesumme mam englesch-katalanesche Perkussionist Steve Argüelles um Album "Cabane Perchée". En interessanten Disk mat mikrokosmeschen Etudë vum Bartók.
Laang hu mir näischt méi héiere vum Wiener Museksproduzenten-Duo dZihan & Kamien, deen Downbeat, Nu Jazz an änlech Museksstiler matenee verbonnen huet. D'Stäerkt vum neien Album "IV" si sécherlech déi vill Facetten, déi en ofdeckt, an dat an engem eleganten Toun.
Times Box ass eng spannend Renconter, déi d'Kulturen an d'Generatioune mateneen verbënnt. D'Kollaboratioun tëschent dräi Museker, déi e ganz ënnerschiddleche Background hunn.
Soul-Gospel-Pop - Sixties Flair a Spiritualitéit. "Mercy" iwwerschriwwen ass deen éischte Solo Album vun der Natalie Bergman, déi op hirem Debut en tragescht Ongléck verschafft.
De Pianist Marc Sarrazy ass op en Neits zesumme mam Saxofonist Laurent Rochelle fir deen neien Album "Cyclotimic Songs", wou si Lidder revisitéieren, déi si akustesch scho mol agespillt haten. Hei ginn dës an hir Eenzeldeeler zerluecht ... d'Resultat ass erstaunlech.
Karma ass en asiatescht, spirituellt Konzept, dat verdäitlecht, datt all Aktioun zwangsleefeg physesch a spirituell Konsequenze mat sech bréngt. "Karma" ass och d'Iwwerschrëft vu Black String hirem 2019 Album. De südkoreanesche Quartett jongléiert mat Elementer aus den ënnerschiddleche Stiler a léisst och der Improvisatioun eng Plaz. Eng modern global Musek, ouni Grenzen, awer mat staarke Wuerzelen.
Playlist:
MBK BAND - Sina Mory - Banconi
MBK BAND - Ben-Kadi - Banconi
Csaba Palotai - La Cabane - Cabane Perchée
dZihan & Kamien - We Are (feat. Sanya Budna) - IV
Noah Vanden Abeele - Secret - Universe
Times box - Swingba - Times box
Chrissie Hynde - You're a Big Girl Now - Standing in the Doorway: Chrissie Hynde Sings Bob Dylan
Still Corners - The Last Exit - The Last Exit
Natalie Bergman - Shine Your Light on Me - Mercy
Alberta Hunter - Nobody Knows You When You're Down and Out - Amtrak
Marc Sarrazy & Laurent Rochelle - Moving in Circles - Cyclotimic Songs
Black String - Song of the Sea (feat. Nguyên Lê) - Karma
Black String - Sureña - Karma