Eng vun mengen Liblings Gruppen ass warscheinlech Midnight Star. Si sinn säit 1976 aktiv. Et ass eng zimmlech grouss Band, wann se au complet sinn, sinn se zu 9. Si maachen en geschmeidegen Mix aus Disco, R'N'B an Funk, mat vill Vocoder. Si maachen halt den typeschen Eighties Funk. Hieren gréissten Hit ass warscheinlech Midas Touch deen op hirem 4. Album war. Mee mir schwätzen haut iwwert den 5. Panetary Invasion. Deen ass 1984 erauskomm an huet Platin Status erreecht. Hier Instrumentatioun ass staark vun Science Fiction beaflosst, an si produzéieren aggressiv Dancefloor orientéiert Hits een nom aneren, ausser dat heiten Lidd villäicht: Curious. Et ass e bëssen dat trauregt Lidd vum Album, dofir ass et och villäicht sou oft am Hip-Hop gesampelt ginn.
What's On Your Mind vun Eric B and Rakim war op hirem 4. Album Don't Sweat The Technique vun 1992. D'Lidd war och um Soundtrack vum Film Houseparty ze héieren, mat Kid'N'Play dran. D'Produktioun ass vun Eric B an den Rap vun Rakim natierlech. Dat war hiren leschten Album virun hirer Trennung, wéinst Problemer déi si mat hirem Label kritt hunn. Um Album ass et e bëssen den Track fir d'Ladies.
En anert Beispill dofir ass den Warren G mat This DJ. Dat war di 2. Maxi vun sengem éischten Album Regulate... G Funk Era vun 1994. Dat Lidd hat e mega Succès mee net sou vill wei seng éischt Maxi Regulate. Et representéiert den typeschen G Funk Sound vun deemools. D'Produktioun ass vun Warren G selwer, hien huet souguer en Grammy dofir kritt.
En manner bekannt Beispill dofir wär d'Grupp LSG mat hirem Lidd Curious. Et ass featuring LL Cool J, Busta Rhymes an Lil Kim, ëmmerhin. Et war halt eng typesch R'N'B Grupp aus den 90'.
E bëssen méi en aktuellt Beispill aus dem Joer 2018 wär den Stand Up Comedian Lil Duval deen hei den Snoop Dogg op sengem Smile Bitch agelueden huet. D'Produktioun ass elo net herausragend, mee et kann een awer soen dass den Snoop Dogg eng valeur sûre bleift.
