1979 ass dëst Lidd hei erauskomm: "A Few More Kisses To Go" vum Isac Hayes. D'Lidd ass vun him selwer produzéiert. Et ass di beschten Ballad vun sengem 14. Album "Don't Let Go". Den Issac Hayes ass en Multi-Instrumentalist an Autodidakt. Säin Markenzeechen ass natierlech eng Glatz, Goldketten an Sonnebrëller. Hien ass bekannt fir seng laang Lidder an lues Grooven. Seng bekanntst Alben sinn "Hot Buttered Soul", "Black Moses" an den Soundtrack fir den Film "Shaft". Seng Monologen op verschidden Lidder hunn den Rap vun Hautdesdaags staark beaflosst. Seng éischt Saachen sinn um bekannten Stax Label erauskomm, mee no engem Sträit mat hinnen huet hien säin eegenen Label gegrënnt "Hot Buttered Soul", op deem dann och deen heiten Album erauskomm ass "Don't Let Go'". Säin typeschen Memphis Sound ass an dëser Period schonn laang hannert him, Enn 70' hat hien e bëssen en kreativen Leerlauf - dat hënnert d'Tatsaach awer net dass hien en groussen Succès an der Hip-Hop Communautéit hat.
Den Eric Sermon huet dest Lidd gesampelt fir dem Redman säin "Tonights Da Night" doraus ze maachen. Dat war op sengem éischten Album "Whut? The Album" deen 1992 erauskomm ass. Et war souguer di drëtt Maxi-Auskopplung dovunner. Hien ass eng Referenz am Hip-Hop, deelweis natierlech wéinst der perfekter Produktioun vum Eric Sermon.
Shabba Ranks huet dat Lidd och gesampelt fir säin "Rough Live" doraus ze maachen. Dat war op sengem Album "A Mi Shabba" vun 1995. D'Produktioun ass vun Puff Daddy. Den Shabba Ranks ass en bekannten Dancehall Star, e bëssen sou wei den Buju Banton, Beenie Man oder Sizzla.
En lescht Beispill vir d'Benotzung vun dësem Lidd ass hei den Master P mat "Is There A Heaven For A Gangsta?" deen 1997 erauskomm ass. Et kann een den Master P bal net haassen, hien huet sou vill divers Saachen op sengem "No Limit" Label erausbruecht, ënnert anerem och dat heiten Lidd, wat et op den Soundtrack vum Film "Rhyme & Reason" geschafft huet.
