One World
Vu Maloya bis Punk
AK Patterson, en Trio vu Brighton, si nennen als Inspiratiounen e Bjork, Jeff Buckley, Ella Fitzgerald, Elizabeth Fraser (Cocteau Twins), brasilianesch Musek, an alles wat Soul huet.
D'Ikone vum Maloya - Blues Christine Salem vun der Île de la Réunion huet mat "Mersi" en neien Album, deen allerdéngs de Maloya vermëscht mat anere Stiler.
Déi begaabte jonk amerikanesch Gittaristin Yasmin Williams huet viru Kuerzem hiren neien Opus "Urban Driftwood" verëffentlecht. Si benotzt eng Hellewull Techniken op hirem Instrument, hellt ongewéinlech Kläng aus dësem eraus a kombinéiert d'Gittare mat der Kora, Kalimba an den Hand Drums.
Lambchop hunn iwwerraschend en neien Album ugekënnegt, nodeems d'Band ronderëm de Sänger a Leader Kurt Wagner als Lescht mat Autotune a Beats hantéiert huet, gräifen si elo zum american Songbook.
E bësse Punk ass ëmmer erëm erfrëschend. Zu London huet sech 2018 Dry Cleaning gegrënnt, alles laangjäreg Frënn, déi eenzel Musek gemaach hunn, bis si sech dunn entschloss hunn zesummen ze spillen a sech ganz hirer Passioun ze widmen. D'Resultat versprécht, e bëssen Tom Verlaine Feeling an Téin, déi un dat Bescht aus dem Genre erënneren.
En Numm, deen eis net bekannt ass, allerdéngs deen d'Häerz vun all Reggae Fan méi héich schloe léisst, ass de Kubix. Déi agefleescht Reggae Leit kennen hie sécher. Bal 20 Joer begleet hien déi grouss aus dem Genre op der Bün, wéi e Barrington Levy, Horace Andy, Mo'Kalamity, mee och Pop Sängerinne wéi d'Zaho oder Kimberose gi vun him ënnerstëtzt.
Playlist:
AK Patterson - My Body is a Spacesuit - Mettle
Christine Salem - Anou - Mersi
Oumou Sangaré - Yere Faga (feat. Tony Allen) - Mogoya
Sault - Wildfires - Untitled (Black Is)
Yasmin Williams - Urban Driftwood (feat. Amadou Kouyate) - Urban Driftwood
Woodkid - Shift - S16
Lambchop - A Chef's Kiss - Showtunes
Dry Cleaning - Strong Feelings - New Long Leg
Lou Doillon - Look at Me Now - Look at Me Now - Single
Hailu Mergia - Bayne Lay Yihedal - Yene Mircha
Kubix - Deep Eyes - Guitar Chant
LaBulKrack - Grand voile - Cumbia Bamako
Slim Paul - There Will Be No Dawn - Good for You
Ólafur Arnalds - Woven Song - some kind of peace