"In the Flow" ass deen drëtten Album vu Mister Ott, Grupp déi geleet gëtt vum Globetrotter Saxophonist Matthew Ottignon, dee sech ëmginn huet vun zum Deel de beschten Instrumentalisten, déi Sydney ze bidden huet. Den Album "In The Flow" verbënnt Dub an nigerianeschen Afro-beat Funk, Hip-Hop, Elementer aus dem Ethio-Jazz mat Referenzen un de Sound vun den irresistibelen Blaxploitation Soundtracks.
Influenzen aus Äthiopien och bei där zu Toronto baséierter Singer Songwriterin Ayo Leilani, besser bekannt ënner hirem Kënschtlernumm Witch Prophet. Mir héieren nach e weidere Virgeschmaach aus hirem neien Album "DNA Activation", e subtille Mix vun der Stëmm mat Loops, Raps an Harmonien op Hip-Hop, Jazz a Soul-influenzéierte Beats.
Den Jazzmeeschter Archie Shepp zesumme mam Pianist Jason Moran vun hirem neie gemeinsamen Album "Let My People Go", en Disk, dee Spirituals mat Jazz-Klassiker verbënnt.
De Mathias Berchadsky aka El Mati huet elo mat "Manifiesta" en neien Opus publizéiert, un deem hien zéng Joer laang geschafft huet. Den Album ass geniert vu sengen Erfarungen, Reesen a Studien. De Flamenco bleift am Zentrum vum Mati senger Aarbecht.
Ee vun den interessantsten Disken am Stapel vun den Nei-Verëffentlechungen ass dem Stéphane Edouard säi "Pondicergy Airlines". Ursprénglech aus Südindien awer a Frankräich an eng Museker-Famill eragebuer, dem Stéphane Edouard säi Batterie-Spill ass eklektesch an hien ass begleet vun enger Grupp mat iwwer 20 Museker aus verschiddene Kulturen.
Debashish Bhattacharya, zu Samoa gebuer an op Hawaii grouss ginn, e klassesche Museker, Sänger, Komponist deen - heescht et - déi éischt Slide Gittar Syllabus ageféiert huet a Stiler zesummebréngt, wéi et bis ewell nach kee gemaach huet.
Nach e weideren Extrait vum neien Album "Messias" vum Flamänner Jaouad. Dësen Debut-Album ass an der Zesummenaarbecht mat der Multi-Instrumentalistin Aiko Devriendt entstanen. Hire Stil kombinéiert spontan an associativ Impulsiounen am Beräich vu Soul, Pop R&B a Gospel.
En Här, deem ee roueg op der Spuer bleiwe kann, ass de bulgaresche Gittarist Ateshkhan Yuseinov, dee viru Kuerzem säi Solo-Album "Strange Suite" verëffentlecht huet. En Disk, op deem mir och den excellente Beat Boxer SkilleR entdecke kënnen.
Playlist:
Mister Ott - Steam - In the Flow
Witch Prophet - Musa - DNA Activation
Archie Shepp & Jason Moran - Sometimes I Feel Like a Motherless Child - Let My People Go
El Mati - Raices (feat. Kanchana Rajesh) - Manifiesta
Stéphane Edouard - Mother's Love (Amma) - Pondicergy Airlines
Debashish Bhattacharya - Anandi on the Loose - Hawaii to Calcutta: A Tribute to Tau Moe
Jimbo Mathus & Andrew Bird - Three White Horses and a Golden Chain - These 13
Jaouad - Father - Messias
Ateshkhan Yuseinov- My Spirit - Ateshkhan Yuseinov: Strange Suite
Wax Tailor - Just a Candle (feat. Mark Lanegan) - The Shadow of Their Suns
Tindersticks - You'll Have to Scream Louder - Distractions