Haut get en Lidd vun den Ohio Players vir an zwar den Funky Worm. Am Lidd geet et em en Gespréich tëschent dem Clarence, engem Band Member, an senger Bomi. Si hunn eng absurd Konversatioun iwwert en funky Wuerm deen Gittar an enger Band spillt. Wärend dem Lidd sinn Deeler gesongen an Deeler geschwat.
Et ass een vun den meescht gesampelten Deeler aus engem Funk Lidd. Et geet em den Sound vum Syntheszser, an zwar ass et en ARP Pro gespillt vum Junie Morrison. Genau deen klengen Deel an ass iwwert 150 Lidder benotzt ginn, ganz besonnesch am Hip-Hop vun der West Küst vun den USA an huet um Ufank vun den Nonzeger Joren direkt zu der Entstehung vum Gangsta Funk, oder kuerz G-Funk genannt, bäigedroen.
E puer Beispiller dofier sin den Ghetto Bird vun Ice-Cube oder den Serial Killa vun Snoop Dogg vun 1993, oder awer och den Dope Man vun NWA, deen war produzéiert vun Dr Dre. Dat wuel bekannst Lidd bleift awer natierlech Kriss Kross an hirem Welthit Jump. Wéi wann dat net géif duergoen, besetzt den Funky Worm méi wéi een Sample, wann een e bëssen no fir spullt kann een eng zweet Melodie héieren. Déi ass och Dozene vun Kéieren gesampelt ginn, wéi zum Beispill am Oneoneone vun den Fransousen vun X-Men, oder beim kommerziellen Duerchbroch vum DJ Jazzy Jeff & The Fresh Prince mat Boom Shake The Room.
D'Ohio Players sinn eng amerikanesch Funk Band déi ënnert verschidden Formatiounen säit 1959 aktiv sinn. Den Funky Worm war hiren éischten groussen Hit an ass 1973 erauskomm.
Hautdesdaags hänken si an der Rhythm and Blues Hall of Fame zu Cleveland, an no enger ganzer Rei vun Kollaboratiounen mat Leit wéi Funkadelic kennen si stolz drop sinn dass hiren Sound weltwäit duerch Sampling sou oft gespillt gëtt.
