Dir sidd nees beim Sample vun der Woch ageschalt an haut schwätzen mer iwwert den "Chronic 2001", dat ass den zweeten Album vun Dr Dre, deen ass 1999 op sengem eegenen Label "Aftermath" erauskomm. Den ganzen Album ass eng Goldgrub un Samplen. Dr Dre produzéiert selwer oder zesummen mat Scott Torch oder Mel Man. Hee rappt op all Lidd, begleet vun sengem Entourage. Den Album huet sechsfachen Platinn erreecht.
Een vun den bekanntsten Lidder vun dësem Album ass "The next episode" featuring Snoop Dogg, Korrupt & Nate Dogg. Et soll eigentlech eng Suite vun "Nuthin but a G Thang" ginn. Dat Lidd hat weltwäiten Succès, mee de Dr Dre huet näischt erfonnt.
Hee sampelt hei fir nämlech David Axelrod an David McCallum. Zesummen hunn si dat Lidd "The edge" geschriwwen. Dat ass erauskomm um Album "A bit more of me" am Joer 1968. Am Hip-Hop gëtt en en Debat op de Sample elo direkt vun der Plack opgeholl ginn ass, oder op den Dr Dre dat nogespillt huet. Op jiddefalls ass hien net deen eenzegen deen déi Idee hat. zum Beispill Missing Linx oder Masta Ace hunn dësen Deel och benotzt. Den Axelrod war duerch seng Mëschung tëschent Jazz Rock an RnB Elementer een vun deenen beléiftsten an meescht gesampelten Kënschtler am Hip-Hop.
En anert Lidd vum Dr Dre senger Plack ass "Whats the difference" featuring Eminem & Xzibit". Dr Dre sampelt dofir den Charles Aznavour. D'Lidd heescht "Parce que tu crois" an et ass vum Album "La bohème" vun 1966. Et kann een soen dass den Aznavour e bëssen den All-Star vun den franséischen Chansonnier ass mat engem Repertoire vun iwwert 1000 Lidder. Et kann een also schonn bal als Extravaganz gesinn, dass den Dr Dre hei franséisch Chanson sampelt fir amerikaneschem Gangsta-Rap ze produzéieren. Dr Dre huet zesummen mam Eminem den MTV Video Music Award mat dësem Lidd gewonnen.
