Den éischten solo Album vun Bob James heescht One an ass 1974 erauskomm.
Deen enthält d'Lidd Nautilus, dat besteet aus extrem dichtem Material, bal all Takt enthält en potentiellen Sample aus deem een kéint en neit Lidd maachen.
Den einfachen Groove vun dësem Track huet et an honnerten vun Rap Lidder geschafft an ass een vun den meescht gesampelten Stecker iwwerhaapt, haaptsächlech un der Ostküst vun den USA, mat Produzenten wei zum Beispill DJ Premier vun Gangstarr, RZA vum Wu-Tang Clan oder Q-Tip vun A Tribe Called Quest.
Et ass en instrumentalt Lidd mat Bob James un den Keyboards, Gary King un der Bass, Idris Muhammad un den Drums.
Bob James seet selwer dat Lidd wier zu senger Sortie onbemierkt bliwwen, dofir war hien ëmsou méi frou dass et sou oft gesampelt ginn ass.
Hei sinn e puer Beispiller vun Lidder wou et benotzt ginn ass: Run DMC hunn einfach Drums iwert den Loop gesat. Et ass 1988 um Album Tougher Than Leather eraus komm. Dem Jeru The Damaja säin My Mind Spray ass vun DJ Premier produzéiert, an ass 1994 um Album The Sun Rises In The East erauskomm. En aanert Beispill as Onyx, mam Lidd Throw Ya Gunz vun 1993. Group Home hunn den Loop e bëssen erofgepitcht an Inna Citi Life doraus gemaach, fir d'Scratchen gouf en Acapella vun Nas benotzt. Den Q-Tip vun A Tribe Called Quest huet och just en Loop mat Percussiounen doraus gemaach um Lidd Clap Your Hands, dat war um Album Midnight Marauders. Den DJ Mehdi huet Nautilus och gesampelt an op eng komplex Aart an Weis nogespillt. Dat war fir Ricochets vun Rocé. Mee een vun mengen Liblingslidder ass Daytona 500. Dest Lidd as produzeiert vum RZA an besteet à la base just aus engem Loop iwert deem den Ghostface Killah rappt. Den House Produzent Armand Van Helden huet 1997 säin Reservoir Dogs doraus gemaach.
An zu gudder lescht: den Bob James huet sech souguer selwer gesampelt - 44 Joer méi spéit huet hien aus sengem Nautilus säin Lidd Submarine am Joer 2018 erausbruecht.
