D`NATO hätt wëlles d'Ukrain dauerhaft weider ze ënnerstëtze, datt si sech selwer kéint verdeedegen, esou d`Yuriko Backes weider. Dofir hätten d‘Verdeedegungsminister- a Ministerinnen decidéiert, datt d'NATO eng gréisser Roll fir d'Koordinatioun wäert iwwerhuele wat d'Equipementer an den Training vun ukraineschen Zaldoten ugeet.
D`Verdeedegungsministesch weist sech zefridde mat der Decisioun. Och iwwer déi positiv Entwécklung déi den amerikaneschhen Defenseminister annoncéiert huet. Viru puer Méint hätt dat nach méi pessimistesch geklongen.
„Ech wäert och den MoU ënnerschreiwe fir déi tschechesch Initiativ fir weider och d'Ukrain mat Munitioun kënnen ze ënnerstëtzen, do contribuéiert Lëtzebuerg mat 2 Milliounen.”
En vue vum Nato-Sommet am Juli wier och den ukrainesche Bäitrëtt an d‘NATO diskutéiert ginn, erkläert d`Yuriko Backes. Dat wier elo net akut: Wéinst der Krichssituatioun wieren d'Konditiounen nach net erfëllt, mee e Bäitrëtt wier am Fong irreversibel.