D‘Waffepaus wier zäitlech net limitéiert a si géif gëllen, esou laang Russland net ugräift, esou de Büro vum ukrainesche President Wolodymyr Selenskyj. De Moien hätt et awer schonn nees eng russesch Attack ginn a Kiew géif sech trotz Waffepaus am Recht gesinn, dorop ze reagéieren.
Moskau huet eréischt fir dëse Freideg a Samschdeg eng Waffepaus ugekënnegt, fir un déi sowjettesch Victoire géint Nazi-Däitschland am Zweete Weltkrich ze erënneren.
Nei Gewalt
Um Dënschdeg war d‘Gewalt eskaléiert. Bei russeschen Attacken op e puer ukrainesch Stied koume gëschter Owend op d‘mannst 27 Mënschen ëm d‘Liewen. Bei ukraineschen Dronenattacken op déi vu Russland besaten Hallefinsel Krim goufen et fënnef Doudeger.
