De Rekter vun der uni.lu, de Jens Kreisel, gesäit d’Situatioun op der Uni net esou, wéi se vu verschiddene Säiten duergestallt gëtt. D’Cordula Schnuer fënnt et interessant, datt et verschidden Instanzen op der Uni ginn, déi d’Salariéeën awer net ëmmer notzen. Beispillsweis den Ombudsbüro oder d’Personaldelegatioun.
"Ech mengen et muss een awer herno kucken, wat fir eng Confiance hunn d'Leit un déi Stellen do? Gi se genotzt? Wa se net genotzt ginn: Firwat net? Well ech mengen et muss ee sech awer och fir déi Leit, déi do concernéiert sinn, fir och un d'Press ze goen (...) Da muss een awer och soen, datt iergendeppes an der Institutioun selwer net ganz richteg leeft."
Probleem schéngt eng Systematik ze hunn
An der Fakultéit vum Droit, der Ekonomie an de Finanze koum et och zu Mobbingvirwërf, an dat net nëmme vun enger Persoun, wéi d’Cordula Schnuer vun den Temoinë matkritt huet.
“Et sinn zéng verschidde Leit, et sinn zéng och ganz verschidden Aarbechtssituatiounen, sief et an der Administratioun, an der Recherche op verschiddenen Niveauen och vun der Hierarchie an ech géif och soen, do kann een dann och net méi wierklech dovunner schwätzen, datt dat komplett zéng isoléiert Fäll sinn. Natierlech, op der Uni schaffe vun 2 .700 Leit.”
Et géif een och eng gewësse Systematik gesinn, wat dat schlecht Aarbechtsklima ugeet, esou nach d’Cordula Schnuer. Dat hätt ee bei den Temoignagen däitlech esou raushéieren.
